सोहर गीत बघेली लोकगीत Sohar Geet Lokgeet Bagheli Lyrics

 जौने दिना राम जनमे में हैं / बघेली सोहर गीत

जौने दिना राम जनम में है

धरती अनंद भई-धरती अनंद भई हैं हो

गउवन लुटि भई-गउवन लुटि भई हो

आवा गउवन के नाते एक कपिला

रमइयां मुंह दुध पियें- रमइया मुंह दुध पिये हो

जौने दिना राम जनम भे हैं

सोनवन लुटि भई- सोनवन लुटि भई हो

सोनवा के नाते एक बेसरिया

कौशिला नाके सोहै- कौशिला नाके सोहइ हो

जौने दिना राम जनम भे हैं राम जनम भे हैं हो

रूपवन लुटि भई- रूपवन लुटि भई हो

आवा रूपवा के नाते जेहरिया कौशिला पायें सोहै

कौशिला पायें सोहइं हो

जौने दिना राम जनम भे हैं हो

कपड़न लुटि भई कपड़न लुटि भई हैं हो

आवा कपड़ा के नाते पितम्बर

रमइया तन सोहईं- रमइयां तन सोहई हो

जौने दिना राम जनम भे हैं हो

भड़वन लुटि भईं- भड़वन लुटि भईं हो

आवा भड़वा के नाते करोलवा

रमइया हाथ पानी पियें- रमइया हाथ पानी पियें हो।

जौने दिना राम जनम भे हैं हो- राम जनम भे हैं हो

हथियन लुटि भईं- हथियन लुटि भईं हो

आवा हथिया के नाते करहुला रामइया द्वारे झूमईं

रमइया द्वारे झूमड़ हो

जौने दिना राम जनम भे हैं हो

घोड़वन लुटि भई-घोड़वन लुटि भई हो

आवा घोड़वा के नाते-बछेड़वा रमइया द्वारे नाचड़

रमइयां द्वारे नाचई हो।

गुलाब कैसेन फूल हमें / बघेली सोहर गीत

गुलाब कैसेन फूल हमें राम दिह्या ललना

पिपरी पिसन का सासु रानी अइहैं

नजर लगि जइहैं राम दिहा ललना

गुलाब कैसेन फूल हमें राम दिह्या ललना

पीड़ा बंधन का जेठानी रानी अइहैं

नजर लगि जइहै राम दिह्या ललना

गुलाब कैसेन फूल हमें राम दिह्या ललना

विलुई रधन का देवरानी मोर अइहैं

नजर लगि जइहै राम दिह्या ललना

गुलाब कैसेन फूल हमें राम दिह्या ललना

नजर लगि जइहै राम दिह्या ललना

मचियन बैठीं सुभद्रा / बघेली सोहर गीत

मचियन बैठीं सुभद्रा

तौ सुरिज मनावै-तौ सुरिज मनावै हो

मोरे भइया के जो व्हैहैं होरिलवा

बधइया लै के जाबइ-चंगेरिया लै के जाबइ हो

एतना जो सुनिन है भउजी

धाइ महल गईं धाइ महल गईं हो

स्वामी धीरे धीरे बाजइ बधइया

धिरेन उठे सोहर धिरेन उठे सोहर हो

आवा सुनइं पइही जो ननंद सुभद्रा

बधइया लै के अइहीं चंगेरिया लै के आइहीं हो

रामा भोर भये हैं भिनसार

तौ लालन भे हैं होरिल भे हैं हो

आवा बजइं लागीं अनंद बधइया गवैं सखि सोहर

गवइं सखि सोहर हो

बाजत आवैं दस बाजन

अउर कसायल और कसायल हो

आवा नाचति ननंद सुभद्रा पयल नहि बाजइ

पयल नहि बाजइ हो

एतना जो देखिन है भइया

तौ धाइ महलि गे हैं- धाइ महलि गे हैं हो

धना अउती हैं बहिनी हमार गरब नहि कीन्हया

निहुरि पंइयां लाग्या-निहुरि पाइयां लागेउ हो

ननंदी तुहिन मोर ननंदी तुहिन मोर सब कुछ हो

ननंदी सिठिया भरें हैं मोर हाथ

मैं कैसे पंइयां लागउ-मैं कैसे पइयां लागउ हो

ललना की रतुली पंलगिया ओहिन चढ़ि बैठा

हथेन कुछू डारा गरेन पहिरावा-गरेन पहिरावउ हो

सोनवा तौ मोरे सेर भर-रूपवा पंसेरी भर

भउजी हम तौ लेबइ गजमोहना

भतिज के निछावरि-भतिज के निछावरि हो

सोनवा तौ है हमरे अन धन

रूपवा पंसेरी भर-रूपवा पंसेरी भर हो

रूपवन ओरी चुवैं-रूपवन ओरी चुवैं हो

ननंदी एक नहि देबई गजमोहना तौ गरूहै दाम केेर

गरू है दमन केर हो हमरे बबुल केर हो

एतना जो सुनिन है ननंदी तौ ननंदी रिसाय गई

ननंदी रिसाय गई है हो

एक गजमोहना के कारन तो ननंदी रिसाय गई

ननंदी रिसाय गई हो

एतना जो देखिन है भइया तौ धाई महलि गे

भाई महलि गे हैं हो

धन कउन बचन तुम बोलिउ तौ ननंदी रिसाय गई

तौ ननंदी रिसाय गई हो। बहिनी रिसाय गई हो

सोनवा तो देत रह्यों सेर भर

रूपवा पंसेरी भर-रूपवा पंसेरी भर हो

राजा एक नहिं दिहेउं गजमोहना तो ननंदी रिसाय गई

ननंदी रिसाय गई- बहिनी रिसाय गई हो

झोरवा से लिहिन भभूत तो लिलारे लगाइन

लिलारे लगाइन हो

भइया व्है गे हइं जोगिया बैरगिया

बहिनिया केकारन-बहिनिया के कारन हो

हंकरउ नगर से कहरा हंकरि वेगि लावा

हंकरि वेगि लावउ हो

कहरा हलि भलि डोलिया सजवा तौ

ननंदी मनाय लाई-ननंदी मनाय लाई हो

सभवा से उवे ननंदोइया तो धाई महलि गे

धाई महलि गे हैं हो

धन कउन बचन तुम बोलिव तो बहिनी रिसाय गई

बहिनी रिसाय गई है हो।

सोनवा तौ देत रहिउं सेर भर

रूपवा पसेरी भर-रूपवा पसेरी भर

राजा एक नहीं दिहंउ गजमोहना तौ ननंदी रिसाय गई

ननंदी रिसाय गई हो

झोरवा से लिहिन भभूत तौ माथे लगाइन

लिलारे लगाइन हो

भइया व्है गे हैं जोगिया बैरगिया बहिनिया के कारन

बहिनिया के कारन हो

हंकरहु नगर के कहरा हकरि वेगि लावा

हंकरि वेगि लावा हो

कहरा हलि भलि डोलिया सजावा

तौ बहिनी मनाय लई-ननंदी मनाय लई हो

सभवा से उठे ननंदोइया तौ धाय महलि गे है

धाई महलि गे हैं हो

धना अउतीं हैं भउजी तुम्हार तो सरहज हमारिउ हो

धना बरहों लिहा गजमोहना तो पौंद डराया

तौ पौंद डरायिउ हो

वहै चढ़ि आवईं गरब नहि कीन्हिव

पलंग बैठाइउ-पलंग बैठाइउ हो

बारह गजमोहना हैं ननंदी तुम्हारे तो एक ठे हमारेउ हो

है एक ठय हमारेउ हो

ननंदी एक गजमोहना के कारन तौ भइया विदेशी किह्या

भइया विदेश किह्या हो

भइया व्है गे हैं जोगिया बैरगिया

तो एक तुम्हरे कारने-तो एक तुम्हरे कारन हो

बनवा मां बैठी है सिता / बघेली सोहर गीत

बनवा मां बैठी है सिता रानी मन मा बिसूरइं

मन मा बिसूरइं हो

आवा को मोरे आगे पीछे बैठी

लटै लट बिउरी-लटै लट बिउरिउ हो

आवा को लोहधकरिन बोलाई तों

तौ नारा छिनाई-नारा छिनाई हो

आवा को लाई सोने केर छूरा

रूपेन केर खप्पर-रूपेन केर खप्पर हो

आवा को लाई शाला दुशाला

पितम्बर ओढ़ाई-पितम्बर ओढ़ाई हो

बनवा से निकरी बन सतिन सिता का समुझावै

सीता का समुझावै हो

आवा हम तुम्हरे आगे पीछे बैठब

लटै लट बिउरब-लटै लट बिउरब हो

सिता हम लोहधकरिन बोलाउब

तौ नारा छिनाउब-तौ नारा छिनाउब हो

आवा हम लउबै सोनेन के छूरा

रूपेन केर खप्पर-रूपेन केर खप्पर हो

सिता हम लउबै शाला दुशाला

पितम्बर ओढ़उबै-पितम्बर ओढ़उबै हो

भोर भयें हैं भिनसार तौ लालन भें हइं होरिल भे हैं हो

आवा बजईं लागीं अनंद बधइया

गवैं सखि सोहर-गवैं सखि सोहर हो

हंकरहु नगर केर नउवा हंकरि वेगि लावा

हंकरि वेगि लावउ हो

नउवा रचि रचि बांटा हरदिया

रोचन पहुंचावा-रोचन पहुंचावउ हो

पहिल रोचन मोरे गुरू जी का

दुसरे कौशिल्या जी का-दुसरे कौशिल्या जी का हो

आवा तिसरा रोचन लछिमन देवरा

पपीहवा न जानइ-पपीहवा न जानइ हो

खगरा मा बैठे राजा राम तौ भइया लछन गये

भइया लछन गये हो

भइया भहर-भहर होय माथ-रोचन कहां पाया

रोचन कहां पायउ हो।

भल बौरान्या है भइया भलिनि मति मारी

भलिनि मति मारी है हो

भइया भउजी के भे हइं नंदलाल

रोचन हम पायन-रोचन हम पायन हैं हो

कारै पिअर घुनघुनवा / बघेली सोहर गीत

कारै पिअर घुनघुनवा तौ हटिया बिकायं आये

हटिया बिकाय आये हो

साहेब हमही घुनघुनवा कै साधि

घुनघुनवा हम लैबे-घुनघुनवा हम लेबई हो

नहि तुम्हरे भइया भतिजवा

न कोरवा बलकवा-न कोरवा बलकवउ हो

घुनघुनवा किन खेलइं हो

हंकरउ नगर केर पंडित हंकरि वेगि लावा

हंकरि वेगि लायउ हो

पंडित ऐसेन सुदिन बनावा नेहर चली जाबई हो

नैहर चली जाबई हो

हंकरहु नगर केर कहरा-हंकरि वेगि आवा

हंकर वेगि लावहु हो

रामा चन्दन डड़िया सजावा नैहर पहुंचावा

नेहरि पहुंचावहु हो

जातइ माया का मेटबै बैठतइ ओरहन देबई

बैठतइ आरहन देबई हो

माया तिरिया जनम काहे दीन्ह्या ब

बझिन कहवाया-बझिनि कहवायउ हो

जातइ काकी का मेटबई बैठतइ ओरहन देबई

बैठतइ ओरहन देबई हो

काकी धेरिया जनम काहे दीन्ह्या

बझिनि कहवाया बझिनि कहवायउ हो

जातइ भौजी का भटबै बैठतइ ओरहन देबई

बैठतइ ओरहन देबई हो

ऐसेन ननंदी जो पाया बझिन कहवाया

बझिनि कहवायउ हो।

बेटी तुहिनि मोर बेटी तुहिनि मोर सब कुछ हो

बेटी थर भर लेहु तुम मोतिया उपर धरा नरियर

उपर धरौ नरियर हो

बेटी उतै का सुरिज मनावा

सुरिज पूत देइहैं सुरिज पूत देइहै हो

होत विहान पही फाटत लालन भेहंइ होरिल में हइं हो

आवा बजई लागीं अनंद बघइया गवैं सखि सोहर

गवैं सखि सोहर हो

हंकरहु नगर केर सोनरा हंकरि वेगि लावा

हंकरि वेगि लावहु हो

सोनरा सोने रूपे गढ़ा घुनघुनवा तो धना का मनाय लई

धना का मनाय लई हो

हंकरहु नगर केरि कहरा हंकरि वेगि आवा

हंकरि वेगि लावउ हो

कहरा चन्दन डड़िया सजावां

तो धना का मनाई लई-धना का मनाई लई हो

एक बन गै हैं दुसर बन तिसरे ब्रिन्दाबन

तिसरे ब्रिन्दाबन हो

रामा पैठि परे गजओबरी तौ धना का मनाबै

तौ धना का मनावई हो

धनिया तुहिनि मोर धनिया तुहिनि मोर सब कुछ हो

धनिया छाड़ि देहु मन का विरोग घुनघुनवा तुम खेलहु

घुनघुनवा तुम खेलहु हो

नहि मारे भइया भतिजवा नहि कोरवा बलकवा घुनघुनवा किन खेलई

घुनघुनवा किन खेलई हो

घुनघुनवा तो खेलई तुम्हारी माया बहिनिउ तुम्हारिउ हो

रामा और तौ खेलई परोसिन जउन भिरूवाइसि हो

जउन भिरूवाइसि हो

माघै केरी दुइजिया तौ / बघेली सोहर गीत

माघै केरी दुइजिया तौ भौजी नहाइनि

भौजी नहाइनि हो

रामा परि गा कनैरि का फूल मनै मुसकानी

मनै मुसक्यानी है हो

माया गनैदस मास बहिनी दस आंगुरि

बहिनी दस आंगुरि हो

भइया भउजी के दिन निचकानि तौ भउजी लइ आवा

भउजी लेवाय लावा हो

सोवत रहिउं अंटरिया सपन एक देखेउं हो

सपन एक देखेउं हो

माया जिन प्रभु घोड़े असवार डड़िया चंदन केरी

डड़िया चन्दन केरी हो

बेटी तुहिनि मोर बेटी तुहिनि मोर सब कुछ हो

बेटी खाय लेती नरियर चिरौंजी

तौ डड़िया चन्दन केरी-डड़िया चंदन केरी हो

एक बन नाकि- दुई बन तिसरे ब्रिन्दाबन

तिसरे ब्रिन्दाबन हो

आवा पैठि परे हैं गज ओबरी तौ माया निहारै

तौ माया निहारै हो

मचियन बैठी है सासु तौ हरफ- दरफ करैं

हरफ दरफ करैं हो

बहुआ एक बेरी वेदन निवारा तौ लाला जनम होइहीं

तो लाला जनम होईहीं हो

आपन माया जो होती वेदन हरि लेती

वेदन हरि लेतियं हो

रामा प्रभु जी की माया निठमोहिल

तौ ललन ललन करै होरिल होरिल करैं

ललन ललन करैं होरिल होरिल करैं हो

बिछुवा तौ बाजइ रून झुन / बघेली सोहर गीत

बिछुवा तो बाजइ रून झुन

बसिया कहां रे बाजईं बसिया कहां रे बाजईं हो

राजा कउने ननंद जी के भइया

तौ बसिया बजावईं बसिया बजावईं हो

पंसवा तौ खेलई राजा बेल तरी

अउर बमुर तरी अउर बमुर तरी हो

राजा तुम्हरी धना वेदन बिआकुल

तौ तुम्मही बोलाइनि तुम्मही बोलाइनि हो

पंसवा तौ मिचकिन राजा बेल तरी अउर बमुर तरी हो

राजा पेलि पैठि गज ओबरी

कहा धन बेदन- कहा धन बेदन हो

बायें अंग राजा मोर कसकै

दहिन अंग मसकै- दहिन अंग मसकई हो

राजा मरतिउं पंजरिया के पीर

तौ धकरिन बोलावा- तौ धकरिन बोलाय लावा हो

अगिला के घोड़वा कउन सिंह पिछे के कउन सिंह

पीछे के कउन सिंह हो

भइया चला हो बुन्देलनी के देश

जहां बसे धकरिन- जहां बसै धकरित

जहां बसई धकरिन हो

पूंछे अटयिन बटयिन कुंययां पनिहारिन

कुइंयां पनिहारिन हो

राजा पूछें शहरवा के लोग

कहां बसै धकरिन- कहां बसै धकरिन हो

ऊंच नगरपुर पाटन आले बांस छाये हैं हो

आले बांस छाये हैं हो

राजा द्वारे चन्दन बड़ा रूखवा जहां बसे धकरिन

जहां बसै धकरिन हो

को मोरे टटिया उघारिस-बेड़ खरकाइसि

बेड़ खरकाइसि हो

राजा कउन रजनि केर पूत एतनी बैरि आइसि

एतनी बैरि आइसि हो

हम तोरे टटिया उघारेन बेड़ खरकायन

बेड़ खरकायन हो

लोनी मह तौ कउन सिंह के पूत

यतनी रात आयेन एतनी दूरि आयन हो

जो तुम्हारे व्हइहैं होररिलवा

तौ काह लुटइहा तौ काह लुटइया हो

जो तुम्हरे व्हइहैं घेरिया कउन रंग चूनरि

कउन रंग चूनरि हो

जो हमरे व्हइहैं होरलवा

तौ सोनवा लुटइबै रूपवा लुटइबै हो

जो हमरे व्हइहै धोरिया

अवध रंग चूनरि अवध रंग चूनरि हो

अंगिले के घोड़वा कउन सिंह पिछे के कउन सिंह हो

लोनी बीच के डड़िया सुघर लोनी

चंवर चलत आवै पसिनवा ढुरत आवै हो

जो मैं जनतिउं सुघर लोनी

लौंग मिरिच केर बिरवा / बघेली सोहर गीत

लौंग मिरिच केर बिरवा घिनौची तरी उपजा

घिनौची तरी उपजा है हो

आवा पान फुलन ऐसे ललना आंगन मोरे खेलें

अंगन मोरे खेलइं हो

ओनेइं आई कारी बदरिया ओनइं जल बरसै

ओनइं जल बरसै हो

बदरी जाइ बरस्या उहै देश छयल उठि भागईं

छयल उठि भागईं हो

बदरी जाइं बरस्या बड़े बूंद छयलि उठि भागईं

छयल उठि भागईं हो

की तुम चोर चहरवा कि राजा के पहरूआ

कि राजा के पहरूआ हौं हो

आवा- की तुम होरिलवा के बाप पलंग मोरी डोलइ

पलंग मोरी डालइं हो

ना हम चोर चहरूआ न राजा के पहरूआ हौं हो

न राजा के पहरूआ हौं हो

रानी हम तौ होरिलवा के बाप पलंग तोरी डोलइ

पलंग तारी डोलइ हो।