करमा गीत छत्तीसगढ़ी गीत लोकगीत Chhatisgarhi Karma Geet Lokgeet Lyrics

 करमा गीत-1 / छत्तीसगढ़ी

चलो नाचे जाबा रे गोलेंदा जोड़ा

करमा तिहार आये है, नाचे जाबो रे।

पहली मैं सुमिरौं सरस्वती माई रे

पाछू गौरी गणेश-रे गोलेंदा जोड़ा ...।।

गांव के देवी देवता के पइंया लगारे

गोड़ लागौ गूरुदेव के रे गोलेंदा जोड़ा ..।।

करमा गीत-2 / छत्तीसगढ़ी

हौरे हौरे। धीच वेनी भुजा डारे

मांग में तो सेंदूरा बिराजे

धीच वेनी भुजा डारे

हाजी पैर के पयरी ललकारे - धीच

पिंडरी चुरुवा ललकारे - धीच

जांध के जंधिया ललकारे - धीच

कनिहा लहंगा ललकारे - धीच

छाती के चालिया ललका - धीच

गला सुतली ललकारे - धीच

नाक नथुली ललकारे - धीच

माध के मधोचा ललकारे - धीच

करमा गीत-3 / छत्तीसगढ़ी

हां हां रे रतन बोइर तरी रे

गड़े है मैनहरी कांटा

रतन बोइंर तरी रे।

ओही मा ले नहकयं डिंडवारे, छैलवा

हेर देबे मैनहरी कांटा

रतन बोइर तरी रे।

कांटा हेरवनी का भूर्ती देबे,

हेर दहे मैनहरी कांटा

रतन बोइर तरी रे।

ले लेबे भइया थारी भर रुपइया,

हेर देबे मैनहरी कांटा

रतन बोइर तरी रे।

थारी भर रुपइया तोरे धर भावय

नइ हेंरव मैनहरी कांटा

रतन बोइर तरी रे।

ले लेबे भइया लहुरि ननदिया।

हेर देबे मैनहरी कांटा

रतन बोइर तरी रे।

लहुरि ननदिया तोरे धर भावय

नइ हेंरव मैनहरी कांटा

रतन बोइर तरी रे।

ले लेबे, छैलवा मोरे रस बुंदिया

हेर देहंव मैनहरी कांटा

रतन बोइर तरी रे।

करमा गीत-4 / छत्तीसगढ़ी

हाय रे हाय

मैं तो नहिं जानों जी

कहां बोहावे जाम झरिया

धर से निकरे फरिका मेर ढाढ़े

कहां बोहावे जाम झरिया।

डोंगरी च डोंगरी तै चड़ि जाबे।

नीचे बोहावे जाम झरिया

एक कोस रेंगे।

दुसर कोस रेंगे

तीसरे मा पहुँचे

जाम झरिया

हाथे मा गगरी

मूढ़े मा गुढ़री

खड़े देखय

जाम झरिया।

करमा गीत-5 / छत्तीसगढ़ी

ओ हो रे हाय रात झिम झिम करे

उठ देवता कंदरा बजावो हो।

रात झिम झिम करे।

कय दो मोहर कर केंदरा रे केन्दरा

कय दो मोहर ओकर तार हो।

रात झिम झिम करे...

दसे मोहर कर केन्दरा रे केन्दरा

बीस मोहर ओकर तार हो।

रात झिम झिम करे...

हल जोती आवे कुक्षारी भाजे आवे,

लगे देवरा केन्दरी बजावा हो।

रात झिम झिम करे...

फूट गये केन्दरा

टूट गये तार हो,

कइसे बजावौ गाई केन्दरा हो।

रात झिम झिम करे...

तुंहर बने केन्दरा

तुंहर बने तार हो

कइसे पतियांवन तुंहर बात हो

रात झिम झिम करे...

करमा गीत-6 / छत्तीसगढ़ी

रांधत देखेंव मोगरी मछरी

परसत देखेंव भोंगा सागे।

अइसन सुआरी बर

बड़ गुस्सा लागे।

भारतें तुतारी दुई चारें।

माहिरा तुतारी दुई चारें।

चलि देबों मइके हमारे।

मसके देइ मइके तुम्हारे।

कर लेब दूसर बिहांव।

कर लेइहा दूसर बिहाव

हमर सूरत कहां पइहा।

अइसन सुधरई का करबो।

चिटको तो चाल कहर नइहे।

अन्य गीत लोकगीत छत्तीसगढ़ के 

• भरथरी लोक-गाथा छत्तीसगढ़ी गीत लोकगीत Chhatisgarhi Bharthari Lokgatha Geet
  
  
• सुआ गीत छत्तीसगढ़ी गीत लोकगीत Chhatisgarhi Sua Geet Lokgeet Lyrics
  
  
• ददरिया गीत छत्तीसगढ़ी लोकगीत लिरिक्स Dadariya Geet Lokgeet Chhatisgarhi Lyrics
  
  
• छत्तीसगढ़ी गीत लोकगीत मिश्रित Chhatisgarhi Geet Lokgeet Lyrics Misc.
  
  
• छत्तीसगढ़ी लोकगीत गीत मिश्रित Chhatisgarhi Geet Lokgeet Lyrics Misc.Part Two
  
  
• बिहाव के गीत छत्तीसगढ़ी लोकगीत लिरिक्स Bihaav Lokgeet Geet Lyrics Chhatisgarhi
  
  
• जन्म के गीत छत्तीसगढ़ी लोकगीत Chhatisgarhi Janm Geet Lokgeet