कविवर श्री बुधजनजी के भजन लिरिक्स : Kavivar Shri Budhjanji ke Bhajan -2

बन्यौ म्हांरै या घरीमैं रंग

बन्यौ म्हांरै या घरीमैं रंग ।।बन्यौ. ।।टेक ।।
तत्वारथकी चरचा पाई, साधरमी कौ संग ।।१ ।।बन्यौ. ।।
श्री जिनचरन बसे उर माहीं, हरष भयौ सब अंग ।
ऐसी विधि भव भवमैं मिलिज्यौ, धर्मप्रसाद अभंग ।।२ ।।बन्यौ. ।।

कींपर करो जी गुमान

(राग-सोरठ)
कींपर करो जी गुमान, थे तो कै दिनका मिजमान ।।कींपर. ।।टेक ।।
आये कहांतैं कहाँ जावोगे, ये उर राखौं ज्ञान ।।१ ।।कींपर. ।।
नारायण बलभद्र चक्रवर्ति, नाना रिद्धिनिधान ।
अपनी-अपनी बारी भुगतिर, पहुँचे परभव थान ।।२ ।।कींपर. ।।
झूठ बोलि माया चारीतैं, मति पीड़ो पर प्रान ।
तन धन दे अपने वश बुधजन, करि उपगार जहान ।।३ ।।कींपर. ।।

अब घर आये चेतनराय

अब घर आये चेतनराय, सजनी खेलौंगी मैं होरी ।।अब. ।।टेक ।।
आरस सोच कानि कुल हारी धरि धीरज बरजोरी ।।१ ।।सजनी. ।।
बुरी कुमति बात न बूझै, चितवत है मोओरी ।
वा गुरुजनक बलि बलि जाऊँ, दूरि करी मति भोरी ।।२ ।।सजनी. ।।
निज सुभाव जल हौज भराऊँ, घोरूँ निजरङ्ग रोरी ।
निज ल्यौं ल्याय शुद्ध पिचकारी, छिरकन निज मति दोरी ।।३ ।।सजनी. ।।
गाय रिझाय आप वश करिकै, जावन द्यौं नहि पोरी ।
बुधजन रचि मचि रहूँ निरंतर, शक्ति अपूरब मोरी ।।४ ।।सजनी. ।।

हमकौं कछू भय ना रे

(राग-सोरठ)
हमकौं कछू भय ना रे, जान लियौ संसार ।।हमकौं. ।।टेक ।।
जो निगोदमें सो ही मुझमें, सो ही मोक्ष मँझार ।
निश्चय भेद कछू भी नाहीं भेद गिनैं संसार ।।१ ।।हमकौं. ।।
परवश ह्वै आपा विसारिके, राग दोषकौं धार ।
जीवत मरत अनादि कालतें, यौंही है उरझार ।।२ ।।हमकौं. ।।
जाकरि जैसैं जाहि समयमें, जो होवत जा द्वार ।
सो बनि है टरि है कछु नाहीं, करि लीनौं निरधार ।।३ ।।हमकौं. ।।
अग्नि जरावै पानी बोवै, बिछुरत मिलत अपार ।
सो पुद्गल रूपीमैं बुधजन, सबकौ जाननहार ।।३ ।।हमकौं. ।।

म्हे तौ थांका चरणां लागां

(राग-कालिंगड़ो परज धीमो तेतालो)
म्हे तौ थांका चरणां लागां, आन भाव की परणति त्यागां ।।म्हे. ।।टेक ।।
और देव सेया दुख पाया, थे पाया छौ अब बड़भागां ।।१ ।।म्हे. ।।
एक अरज म्हांकी सुण जगपति, मोह नींदसौं अबकै जागां ।
निज सुभाव थिरता बुधि दीजे, और कछु म्हे नाहीं मांगा ।।२ ।।म्हे. ।।