कविता, कहानी, ग़ज़ल - शायरी, गीत -लोकगीत, दोहे, भजन, हास्य - व्यंग्य, भजन आरती चालीसा प्रार्थना और एवं अन्य रचनाएं साहित्य के भंडार से

सूर्यमल्ल मीसण ( बूंदी रा राजकवि ) की रचनाएँ : Suryamalla Misan

सूर्यमल्ल मीसण

परिचय


जन्म–निधन
1815 – 1868
जन्म स्थान
हाड़ौती, राजस्थान
प्रमुख रचनाएँ
वंश भास्कर, वीर सतसई
भाषा
डिंगल एवं राजस्थानी

सूर्यमल्ल मीसण राजस्थान के प्रसिद्ध डिंगल कवि और इतिहासकार थे। उनका संबंध हाड़ौती क्षेत्र से था और वे वीर रस की काव्य-परंपरा के प्रमुख कवियों में गिने जाते हैं। उनकी प्रसिद्ध रचना वंश भास्कर में राजस्थान के इतिहास और राजवंशों का विस्तृत वर्णन मिलता है। वीर सतसई उनकी वीरतापूर्ण काव्य-दृष्टि और राजस्थानी साहित्य में उनके महत्त्व को दर्शाती है।


सूर्यमल्ल मीसण के छंद : Suryamalla Misan Ke Chhand 

अन्नल सुत जयसिंह देव

अन्नल सुत जयसिंह देव भूपति समर्थ हुव।
पाई जिहिं प्राचीन भाग्यबल करि निधान भुव।
गढ बिंटुलि बिच गड्डि धर‌यो जनक सु कढ्यो धन।
बीसलसर सन बीस कोटि आखनि लिय अप्पन।
धर्माधिराज अर्जित धनहु लाय खोज अगनित लये।
पहिले निधान उभय हि सुपहु द्विजन बंटि अविरत दये॥


अग्गैं परिसर अटत करत

अग्गैं परिसर अटत करत स्वसखिन सह क्रीड़न।
कंदर जमुना कूल ढुंढ वह निरखि तपोधन।
पुज्ज ताहि पय प्रनमि मंगि बर लियउ जथामति।
अठ्ठ अधिक सत सखिय रहै इक थान बंधि रति।
संतति प्रवीर पावहिं सकल ललित इष्ट यह जिहिं लयो।
कमला सु व्याहि सोमेस कंहं दायज बहु तोमर दयो॥

भूप बलवंत दुर्ग नीरमय

भूप बलवंत दुर्ग नीरमय अद्रिमय अस्समय,
अैसे इष्ट काम मय बखानैं जात।
बनमय मिट्टीमय मरुमय मर्तमय दारुमय,
अेहि जगती में जोग्य जानैं जात॥
अच्छे पहिलैं द्वै इन में रु षट मध्य के जेम मध्य,
ओ अंतिम कों अधम प्रमानें जात।
अन्न जल दारु घृत तैल नालि गोले आदि,
दुर्ग बिच संचय समस्त न के ठानें जात॥

छंद पादाकुलकम्

पर्बत तब तिनके पल्लीपति, सब मैंनन मेरन रचि संगति।
रोकीय आनि मग्ग गिरि घांटो, इत उत असह बढावन आंटो॥
हो पट्टनि चालुक्य सचिव जंहं, ता प्रति नाहर सुह्रद मिल्यो तंहं।
पृतना बलि चहुवानन उप्पर, बिखम थान लखि सजी धराबर॥
पित्थल इत दाहिन मग पद्धर, आवत हो पत्तन मंडोवर।
मिलि तिहिं जुब्बनराव बीचि मग, बुल्लयो इत किय व्यर्थ पग॥
मारव तो तजिगो मंडोवर, पत्तो धर गुज्जर सीमा पर।
उतके पथ बन दुर्ग बिखम अति, अरु तस चालुक सचिव मित्रमति॥
यातैं लहि दुर्गम भुव आश्रय, गब्ब धरत प्रतिहार तत्थ गय।
पथपेदी कोउ न है पास हु, सो तुम जावत अग्ग निकास हु॥

छोटे बड़े सैनिक छ भेद

छोटे बड़े सैनिक छ भेद पहिलो जो मौल,
पीढ़िन तैं सो वसवर्त्ती विसवास धाम।
भृत्य नाम दूजो जो अधीन कीनों वेतन दै,
तीजो मैत्र मित्रता सों आवै जो सहाय काम॥
सोहि श्रेण समय अधीन जाकी आश्रिता,
आटविक सो जो बनवासी सवरा हि ग्राम।
सो अमित्र है जहं दबायो अरि आश्रित व्है,
मुख्य त्रिक मुख्य चौथौ मध्य खिल नेष्ट नाम॥

धकि तोपन घमचक्क

धकि तोपन घमचक्क अग्गि लग्गिय धर अंबर।
ओलन गति दुहुं ओर असह गोलन आडंबर।
सलिल निवानन सुक्कि तजत पत्रन भुरसे तरु।
देस अनूपहु दहत महत झंखर बनिगो मरु।
हडुहु चलाइ रोके अहित तारागढ़ सन तोप तति।
किन्नों बिहाल मंडुव कटक गजब डारि पबि पात गति॥

एकादसि दिन प्रात नयर

एकादसि दिन प्रात नयर प्रबिसत वह रक्खस।
जुज्झत हनि तव जनक तिहिं सु खायो परिकर तस।
बहुरि बसावन द्रंग मनुज तव जनक बुलाये।
खाये ते सब खोजि कतिक भज्जे अकुलाये।
अजमेर बहुरि संभर नगर सुत तब खंधावार दुव।
उद्यान रहत क्रव्याद भय हेय सबन वह देस हुव॥

गागरोणि अचलेस सजे गढ

गागरोणि अचलेस सजे गढ, रण बहु बरस किये रावण रढ।
असुचि मन्त्र दिल्लीस उपायो, बारि पटकि गोपल बिगड़ायो॥

इत दिल्लिय कनउज्ज उभय

इत दिल्लिय कनउज्ज उभय उरझे कछु कारन।
बिजयचन्द्र रठ्ठोर चढ्यो तोमर संहारन।
सोमेश्वर यह सुनत सज्जि दिल्लिय सहाय पर।
पहुंच्यो लै दल प्रचुर ताहि आवत सुनि तोमर।
संक्रमि अनंगपालहु समुख मिलि स्वगेह लैगो मुदित।
इक थाल बिरचि दुव नृप असन हुव प्रसन्न करि परमहित॥

इत पत्तन अजमेर तजिग

इत पत्तन अजमेर तजिग आनंदमेय तनु।
सोमेस्वर तस सूनु भयो भूपति मघवा मनु।
पट्ट लहत जिहिं प्रबल गज्जि गुज्जरधर गंजिय।
मरुधर जैसलमेर भुम्मि दब्बि रु अरि भंजिय।
दलि रन अनेक खुरसान दल धारापति रनधीर हनि।
सबनृप हटाय प्रतप्यो सुमति बसुधातल पुरूहूत बनि॥

जरैं अपेय अचळ जळ जाणे

जरैं अपेय अचळ जळ जाणे, तोड़े अरर मुच्छ कर ताणे।
मथे जवन दळ उदधिखीर मित, अचळ हुवो तिलतिल सुर अंचित॥

झमकि सोम असि झरत

झमकि सोम असि झरत परत बरबर प्रबीर पर।
बिजयचंद्र दल बिकल भज्यो सिर गिरत घोर भर।
दइव भद्र इत उदित जुद्ध हुव मच्छरीक जय।
स्वबपु घाय चउसठ्ठि लहे करि अरिन महालय।
सतपंच करी हय भट सहंस पहु दोउ न इतके परे।
प्रतिभट हजार पंचक प्रमित उतके धारन उत्तरे॥

कक्षा उर सिथिल प्रलम्ब

कक्षा उर सिथिल प्रलम्ब थूल कुक्षि गल,
पेचक मृगेंद्र दृष्टि मंद कै अे मानें हैं।
ह्रस्व रद सूंडा कंठ मेहन उदार लोम,
कर्ण पय थूल नैन मृग कै बखानें हैं॥
मिश्र के अे चिन्ह सब मिश्रित मुनिन कहे,
तीजो अंग बाजी तास भेद बहु ठानें हैं।
जैसो खेत जाको तैसो रूप रय अर्घ आयु,
सत्व बल विक्रम प्रतीत पहिचानें हैं॥

कुमर दूत रनकाज

कुमर दूत रनकाज अग्ग पठये मंडोवर।
नाहर भटन बुलाय कह्यो न भलो इत संगर।
संक्रमि सोझति सरनि नैर पट्टनि लै अप्पन।
मिलि मित्रन सन मुररि रारि गंजहिं रिपु दप्पन।
करि यह प्रपंच लै निज कटक गुज्जरधर अंतिक गयो।
चहुवान समुख मैंनन चमू भट अटकन भेजत भयो॥

मधुणिभ दंत जाकै जंघन

मधुणिभ दंत जाकै जंघन बराह सम,
चाप सम बंस मद सुरभि हरित व्है।
रक्त मुख ओठ तालु नैन मधु पिंगल व्है,
सुंडादंड वृत्त मृदु लोम आवरित व्है।
वृत्त पीन कंधरा पयोद सम गाज जाकी,
सप्त कर ऊंचो मत्त पावन चरित व्है।
नखर अठारह बावीस अैसो जा नृप कै,
भद्र गज होइ तासों दुर्जन दरित व्है॥

रजनि जाम खिल रहत बज्जि

रजनि जाम खिल रहत बज्जि गुड प्रखर बकत्तर।
अस्ववार हुव उभय सूर तोमर अरु संभर।
बिजयंत्र सु कबंध अनखि उततैं पहुंच्यो इत।
इततैं तुरग उठाय मिले ए नृप समुद्रमित।
सेना कबंध अहिव्यूह सुनि विपतिव्यूह संभर बिरचि।
ब्रहमंड अजक डारत बहुरि तमकि जुरे रसउग्र तचि॥

सम्भरीक खिच्ची जिण संतति

सम्भरीक खिच्ची जिण संतति, भुजबळ अनड़ हुवा बहु भूपति।
आहणि जंदराव धर अब्बू, पुणु कबंध हणियो रण पब्बू॥

सविया दोय मुहुक्कर्मा सुत

सविया दोय मुहुक्कर्मा सुत, जिके पढण बितरण रण जयजुत।
अग्रज रामचंद्र मन उज्जळ, खिच्चीराज अनुज गाहण खळ॥

तातारी दळ अतुळ साजि रमजान कुतुब सह

तातारी दळ अतुळ साजि रमजान कुतुब सह।
मुगल साह तैंमूर आइ दिल्ली जय आग्रह।
सक चोवन चउ सोम हांकि संका विणु हैंबर।
पाणीपथ लग पूगि धणी बणियो आरिजधर।
महमूद मीर निरखे निबळ कचरघाण घमसाण करि।
मंडियो तखत दिल्ली मुगल कातर बंस पठाण करि॥

सूर्यमल्ल मीसण के गीत : Suryamalla Misan Ke Geet 


दगौ विचारै फेरियौ अंगरेजां लोगां चौगिड़द्दौ

दगौ विचारै फेरियौ अंगरेजां लोगां चौगिड़द्दौ,
तासा बंबी झड़ंदा, तेड़ियौ नाग ताय।
भाल घांचौ फेरियौ, खैह री हूंत छायौ भाण,
बाघलौ केहरी ‘चैन’ घेरियौ बलाय॥1॥
माचै खाग झाटां राचै तंवाई छ खंडां माथै,
रत्रां आट पाटां नदी बहाई रोसाग।
पाथ थाटां जंग रूपी कुबांणा नवाई पांणा,
सत्राटां वेढियौ थाटां, सवाई सौभाग॥2॥
सुणै घोर तासां, आसमाण लागियौ सीस,
सत्रां धू ‘चैन’ रो खाग वागियौ समूळ।
कोपै ‘हण’ आसुरां विभाड़वा आगियौ किनां,
सिंधुर पाड़ेवा सूतौ जागियौ सादूळ॥3॥
देखतां एहवो जंग धड़क्कै आगरो दिल्ली,
बंबी जैत मागरा रड़क्कै बारंबर।
झड़क्कै खाग रा बाढ, भड़क्कै कायरां झुंड,
हमल्लां नाग रा माथा रड़क्कै हजार॥4॥

गीत महारावराजा रामसिंघ हाडा बूंदी रौ

बागे नकीबां अताई हाक हरोळां जलेब बधै,
उरोळां उछाह मंडै करोळां अथाह।
कोह हाकां केड़ै लाग रेड़ै लाग बंब जोस खाथे,
सारदूळां रोस माथे छेड़े रामसाह॥
हकालै अझाड़ां चौतरफां नरां फौज हल्ले,
भल्ले जठै बोल दे दकालै के भाराथ।
अजौ दूजो गाढ़ेराव गयंदां बकालै असां,
प्रळै काळा मयंदां दकालै प्रथीनाथ॥
भत्ते आप हालणां धरंतां पांव मट्ठां वाळा,
सिपाहां सालणा रट्ठां घट्टां वाळा सीर।
कीधां छत्र सट्टावाळां चग्गावै आपाण काचां,
काळकी-सी छट्टा वाळां जगावै कंठीर॥
सिकारां रंजाक यूं साहां रा साल दूजै सतै,
ऊभै ही राहां रा कीधौ जाहारां आपांण।
घासांहरां थाहरां में काल रा धका सै घांचे,
चौड़ै धाड़ै नाहरां चकासै चाहूवांण॥

गीत महारावराजा रामसिंघ हाडा रा

गजब धाक दध लगा आठूं पोहोर पूगता,
चोहोर मुख ऊगतां खलां चूभौ।
सजे किम नींव वत्रधर अवनी सही,
अजै छत्रधर रामेण ऊभौ॥
पियै जळ केहरी गाय इक घाट प्रति,
भुजंग सिखरे हरी इकठ भाळो।
कळू क्रत बधाळत जपै दुनियाण किम,
अदाळत तपै बिसनेस वाळो॥
रिमहरां वहण पतसाह सरणे रहण,
चाह कर कीरती लहण चित पै।
क्रम ग्रहण नीच दुनियाण न करें करां,
पाण रो महण चहुवाण प्रतपै॥
जोर की माड साहंस रावण जिसै,
बीजलां वंस सीमाड़ बाढ़ौ।
साहियां उछब उरजाद आचां,
सुपोह हिंदवां तणी मुरजाद हाडौ॥

गीत ठाकुर खुसालसिंघ आउवा रौ

डांण ठेलै तूं मातंगां भड़ां डाचरा उबाड़ डाकी,
मूंछां तांण पैलै तूं कंपनी गंजै माल।
काट थाणो रेळै तूं स्त्रयणां जमी जोस खाथै,
खसतो खपांणां माथै झेलै तूं खुसाल॥
जिकां जिकां ओद्रावा पडतां लारै जेण लागी,
तिकां तिकां कायरां करेण लागी ताय।
राजा रौ कड़ूबो है कंपियो लारै जेण लागी,
आउवै नाथ रै चूंबे देण लागी आय॥
आछा आछा..आछा आछा..आछा आछा..
पाछा पाछा भूपती देण लागा पांव।
दूजा वीर काळ रै सुभाव खुसाल रै देखै,
गाजै रिड़माल रै अगंजी गाढ़ेराव॥
मेवाड़ ढूंढ़ाड़ ज्योंहीं हाड़ौती मालवो मोलौ,
दोळां काल चक्र सो किणी न आवै दाय।
झाले किसौ तो विनां पयाळ जाती काळ झांप,
लाडली पंगुळी चांपा अंगुळी लगाय॥

वीरलोक

इळा न देणी आपणी, हालरियां हुलराय।
पूत सिकावै पालणै, मरण बडाई माय॥1॥
पायौ हेली पूत नूं, सोमल थण लिपटाय।
अचरज अतरै जीवियौ, क्यूं न मरै अब जाय॥2॥
बिण नूतै घण पाहुणा, हेली ठलिया आय।
जाणै पीव परूसणौ, भूखौ हेक न जाय॥3॥
धण नूं आळगसी धणी, सुणियां वागौ सार।
हालीजै उण देसड़ै, प्राणां रौ व्यापार॥4॥
निधड़क सूतौ केहरी, तो भी विमुहा पाव।
गज गैंडा धीर न धरै, वज्र पड़ै बघवाव॥5॥
पग पाछा, छाती धड़क, काळौ-पीळौ दीह।
नैण मिचै साम्हौ सुणै, कवण हकाळै सीह॥6॥
तुंडां गज, फेटां तुरी, डाढां भड़ औझाड़।
हेकण कोलै घूंदिया, फोजां पाथर पाड़॥7॥
बंबी अंदर पौढियौ, काळौ दबके काय।
पूंगी ऊपर पाधरौ, आवै भोग उठाय॥8॥
बिण माथै वाढै दळां, पोढै करज उतार।
तिण सूरां रो नाम ले, भड़ बांधै तरवार॥9॥
टोटै सरका भींतड़ा, घाते ऊपर घास।
वारीजै भड़ झूंपड़ा, अधपतियां आवास॥10॥


सूर्यमल्ल मीसण रा छप्पय : Suryamalla Misan Ra Chhappay 

असवारी उतरै दसमी पूजन नृप साजै

असवारी उतरै, दसमी पूजन नृप साजै।
आप चढै असि पूठ, बळोवळ त्रंबक बाजै॥
बिसंटाळा कज बिहद, ब्यास कमधज बतलाया।
वरधीचंद नाहरो उभै लंका मझि आया॥
दससीस हूंत कहियौ जदन, भगति भाव अति भेस सूं।
जानकी हेर सब तज जिलौ, आण मिलौ अवधेस सूं॥

ब्रह्मा अर ब्रहस्पति

ब्रह्मा अर ब्रहस्पति, बेद मों आगळ बांचै।
दसही भड़ द्रगपाल, सदा सेवा मुझ सांचै॥
किन्नर गंध्रब किता, संगीत उचारै।
नारद आवै नति, सदा मुझ कारज सारै॥
सुरराज सदा राखूं सरण, अप्प रहूं अति मान सूं।
झट खगां बीस बिसवा झळै, मिळै न रांवण रांम सूं॥

इम रावण ऊचरै

इम रावण ऊचरै, भ्रात कूंभेण जिसा भड़।
सुतन इंद्रजीत सा, इसो लंका गढ उन्नड़॥
प्रहसत सा परधांन, मान असुरां सुर मारण।
खाह समंदर खार, कोट कंचन बड़ कारण॥
अन्नेक लार सेना अधिक, धर लंका गढ़ धांम सूं।
झट खागां बीसबिसवा झल्लै, मिळै न रावण रांम सूं॥

इंद्रजीत सुणि एम

इंद्रजीत सुणि एम, कह्यौ रावण सूं हित करि।
कितौक दळ रांम को, सरब मारूं समहरि॥
रथ साजै चढि रीस, ईस बर मांगि अभंगी।
चोड़ै चढि चालियौ, राम सेना चतुरंगी।
थरहरे जमी परबत थरर, नाद घरर त्रंब नाम सूं।
उण बार आय भड़ियौ असुर, रावण को सुत राम सूं॥

इंद्रजीत सूं एम

इंद्रजीत सूं एम, कहि रावण जदि कटंक।
जाव लड़ौ जुध मांझ, रांम सेना सुं इक रुख।
अब तौ या आ बणी, मरौ साम्हां चढि सम्मर।
बेटा अब बाप को, काज सारौ इसड़ी कर।
पाछा न पाव धरजै प्रकट, आधाइ दीजै अवनि।
जुध भड़ण रांम सूं जोरवर, पूर अबै व्हैजा पवन॥

चेतनदास जी री रचना संग्रह (हाड़ौती ) : Chetandas Ji Rachna Pad

चेतनदास (1733–1777) हाड़ौती अंचल के रामस्नेही संप्रदाय से जुड़े संत-कवि थे। उन्होंने अपनी रचनाओं के माध्यम से भक्ति, आध्यात्मिकता और राम-नाम की महिमा का प्रचार किया। हाड़ौती क्षेत्र की संत परंपरा में उनका महत्वपूर्ण स्थान माना जाता है।

चेतनदास जी की कुंडलियां : Chetandas Ji RI Kundaliyan 

जग धूतै रांडां करै ब्याज चलावै दाम

जग धूतै रांडां करै, ब्याज चलावै दाम।
हल हांकै गाडा खडै, यो नहीं साध को काम।
यो नहीं साध को काम, बहुत पाखंड चलावै।
तांकू बरजै नाहिं, बड़ौ मोहि अचरज आवै।
मेटै दया र त्याग कूं, कहण न देवै राम।
जग धूतै रांडां करै, ब्याज चलावै दाम॥

झूठौ सुख संसार को चेतन सो थिरि नाहिं

झूठौ सुख संसार को, चेतन सो थिरि नाहिं।
निसि वासर पचि पचि मरै, फुलि रहया मन माहिं।
फुलि रहया मन माहिं, करम करता नहीं डरपै।
सुमरै नाहीं राम, कपट माहीं तन अरपै।
राम भज्यां सुख पद लहै, गिरह धंध भौं माहिं।
झूठौ सुख संसार को, चेतन सो थिरि नाहिं॥

माया में मां नीसरै ग्रिह सूं होय उदास

माया में मां नीसरै, ग्रिह सूं होय उदास।
राम भजन में रत रहै, सतसंगति में बास।
सतसंगति में बास, भोग दुख दायक जाणै।
मानसा बाचा होय, गुरां सूं बाणक बाणै।
कह चेतन या विधि भयां, लहै ब्रह्म में बास।
माया में मां नीसरै, ग्रिह सूं होय उदास॥

सतगुरु का परताप की महिमा अगम अपार

सतगुरु का परताप की, महिमा अगम अपार।
रवि ज्यूं करि परकास, तिमिर सब दूरि गुमाया।
कल्प ब्रिच्छ को रूप, चाहि कोइ रही न काया।
दत ज्यूं ग्यान उदार, मिल्या सूं संसै खोई।
दे राम नाम ततसार, दूरि कीनी सब छोई।
जन रामचरण की सरण में, मिटि जाइ जम की मार।
सतगुरु का परताप की महिमा अगम अपार॥

चेतनदास जी की साखी : Chetandas Ji Sakhi Sangrah 

नाम निरणै को अंग

राम भज्यां रामै मिलै, और भज्यां कुछ नाहिं।
कूकस गाहौ लाख बर, चेतन कहा है माहिं॥
ररंकार रहता पुरुस, देह धारी माया जाणि।
देह धारि कै देह कूं भजै, क्यूं पहुंचै निरवाणि॥
जळ बूड़त जळ कूं गहै, कैसे होय उबार।
कह चेतन वे बूडसी, कदै न पावै पार॥
चेतन को चित तहां लग्यौ, जहां तेज पुंज को राम।
देह धारी चित राम सूं, नहीं हमारा काम॥
गुण तत सेती रहित है, नहीं काय नहिं माय।
चेतन सुमरै राम सो, नहिं आवै नहिं जाय॥
कह चेतन पुस्तग महीं, सिरै देखिल्यौ राम।
समदर सिला तिरावतां, लिख्यौ न दूजौ नाम॥
हीरा परखै जूहरी, रूपौ हेम सराप।
चेतन परखै नाम कूं, सो मिल्या ब्रह्मा में आप॥
निज नाम पाय गाढौ गह्यौ, चेतन सुलझ्या प्राण।
राम नाम सो जाणिये, मोहि सतगुरु की आण॥

प्रेमप्रकास को अंग

स्तुति
राम निरंजन ब्रह्मजी, पुनि सतगुरु सब दास।
जन चेतन वंदन करै, करि करि बहुत हुलास॥
अंग
प्रेम खुलण की जुगति की, याही बड़ी उपाय।
चेतन पहली सीर थी, अब दरिया उमग्यौ आय॥सायर उमग्यौ सहज में, धरि ररंकार को ध्यान।काया बन पीवत रहै, चेतन अद्भुत ग्यान॥काया बन पीवत रहै, भयौ डहडयौ पूरि।जहां पंछी प्यासा मरै, चेतन उडि गया दूरि॥राम भजन सूं खुलि गया, प्रेम तणा दरियाव।लोभ मोह अर काम को, चेतन लगै न डाव॥राम नाम इंम्रत भर्‌यो, ज्यूं बादळ में मेह।कह चेतन सुमर्‌यां खुलै, नहीं प्रेम को छेह॥सुमरै सांस उसांस ले, राम नाम ततसार।चेतन जब इंम्रत खुलै, यामें फेर न सार॥इंम्रत पीवै संतजन, बैठा दसवैं द्वार।काम क्रोध मद लोभ कूं, चेतन वां लिया मार॥राम नाम का ध्यान से, खुलै प्रेम की सीर।चेतन ता रस के पियां, सीतल भयौ सरीर॥राम नाम का ध्यान से, देख्या औघट घाट।कह चेतन अे कुण लखै, गुरां बताई बाट॥औघट घाटां जळ चढै, ढळै गगन में सोय।चेतन ता रस के पियां, अणभै वाणी होय॥चेतन तन में बह गई, प्रेम भालि भरपूरि।निसि वासर कसकत रहै, पल नहिं होवै दूरि॥चढ़तां कसकै पीठि में, ऊतरतां सब देह।चेतन बरसै रैणि दिन, नहीं प्रेम को छेह॥बंक नाळि होइ चढ़त है, बरसै गगन मंझारि।कह चेतन जहां हो रही, ररंकार झुणकार॥प्रेम घटा अैसे झरै, ज्यूं सावण का मेह।रोम खड़ा होइ जात है, चेतन भीजै देह॥सुरति सबद दोउ रमत है, हौद सुषमना माहिं।चेतन वहां इंम्रत झरै, पल हूं खंडै नाहिं॥राम भजन सूं पाइया, प्रेम तणा दरियाव।कह चेतन अब मिटि गया, मन का आन उपाव॥


विनती को अंग

स्तुति
राम निरंजन ब्रह्मजी, पुनि सतगुरु सब दास।
जन चेतन वंदन करै, करि करि बहुत हुलास॥
अंग
बांह गह्यां की राखियो, सुणूं रामजी टेक।
चेतन तो चूकां भर्‌यो, तुम बगसौ गुन्हा अनेक॥
मैं अबला कुछि बल नहीं, तुम हरि राखौ माम।
दीन होइ चते न कहै, प्रगटौ केवल राम॥
भगति कियां तुम परगटौ, सो हम कीन्हीं नाहिं।
पतित जाणि किरपा करौ, तो हम भी पतितां माहिं॥
धूत विद्या जाणूं नहीं, नहीं चातुरी कोय।
चेतन के तो अेक है, राम करै सो होय॥
राम करै सो होयगा, और न करता कोय।
चेतन तू चूकै मती, भजतां होय स होय॥
टालेड़ी के ब्रिच्छ है, ज्यूं मच्छी के नीर।
यूं चेतन के राम है, कै दूजा गुरु पीर॥
वांके सरणै तन बचै, यां सरणै जम मार।
यूं चेतन के ब्रिछ नीर ज्यूं, हरि गुरु है आधार॥
कह चेतन धनि रामजी, आछी करी सहाय।
मैं तो चाल्यौ फंद दिसि, थे सरधा दई बंधाय॥

विरह को अंग

स्तुति
राम निरंजन ब्रह्मजी, पुनि सतगुरु सब दास।
जन चेतन वंदन करै, करि करि बहुत हुलास॥
अंग
जागत सुक्ख न सोवतां, कहूं न लागै चित्त।
जन चेतन कह बिरहनी, मिलौ रमइया मित्त॥
दुखी बहुत दीदार बिनि, निसि दिन आठौ जाम।
कह चेतन अब बिरहनी, मिलौ सनेही राम॥
सोवै कहा सुखिया नहीं, राम मिलण को चाव।
कह चेतन अब लगि रह्यौ, निसि दिन अेक उपाव॥
चेतन जा घटि आव करि, बिरहा करिहै गाढ।
वहां मांस कहां पाइए, कै नस अर कै हाड॥
बिरहा परचडं परजलै, धवै धवणि ज्यूं ध्यान।
तपति मेटि सीतल करौ, प्रगटौ क्रिपानिधान॥
आडा पड़दा दे रख्या, अेक महल में बास।
कह चेतन क्यूं भुगतिए, आठ पहर की त्रास॥
रो रो बिरहनि रोइ ना, धीरज धरि मन माहिं।
तेरा सिर परि गुरु खड़ा, राम मिलै पल माहिं॥

चेतनदास जी के पद : Chetandas Ji Ke Pad 

पलक माहिं मर जाणा प्राणी

पलक माहिं मर जाणा प्राणी।
पलक माहिं मरजाणा, कहा रंक कहा राणा॥
बहुत भांति करि पचि पचि मरिहै, ग्रिह बंधन के काजा।
मरती बरियां जाय अकेलौ, कहा रकं कहा राजा॥
हिंसा कपट सूं माया उपजै, कहै भागवत माहीं।
ग्रीह द्रव्य कोइ संगि न चालै, करम भार ले जाहीं॥
वर ब्रह्मा को ले नहिं ठार्‌यो, सिव का वर दिसि जोई।
काळ सबन कूं बीणि र खावै, देह धारी वा कोई॥
गहि बिसवास र राम सुमरिये, अन तन को हरि दाता।
चेतन सतगुरु सरणौ भारी, राखै दोजिग जाता॥

राम बिना को तेरा, यो जग जम का घेरा

राम बिना को तेरा, यो जग जम का घेरा॥
बेटा बेटी पाळै पोखै, बड़ा होण की आसा।
मरि जावै कै होइ दुखदाई, यूं जग जाय निरासा॥
करै कमाई माया जोड़ै, भेळी करि करि सेवै।
लाव ल्हसकर राज लूटि ले, घर का खाण न देवै॥
राव रैति सारौ जग देखौ, रावण से सिकदारा।
रीता हाथां होइ करि चाल्या, माया चली न लारा॥
साचा सतगुरु सोधि र कीजे, ग्यान जिनूं को लीजे।
झूठौ झंझट छाड़ि जगत को, राम रसाइणि पीजे॥
सतगुरु सरणै जे जे आया, सुखी भया कलि माही।
चेतनदास चिताय कहत है, और ठौर सुख नाहीं॥

बखना जी के पद और सबद : Bakhna Ji Pad Shabd Sangrah

 बखना जी (लगभग 16वीं–17वीं शताब्दी)

बखना जी दादूदयाल के प्रमुख शिष्यों में माने जाते हैं। वे दादूपंथ की निर्गुण भक्ति परंपरा से जुड़े संत एवं कवि थे। उनकी वाणी में भक्ति, वैराग्य और आध्यात्मिक चिंतन के भाव प्रमुखता से मिलते हैं। दादू दयाल के शिष्यों में बखना जी का विशेष स्थान माना जाता है।

बखना जी के पद : Bakhna Ji Ke Pad

आरसङी ऊजली रे

आरसङी ऊजली रे, तामै मुखङो दीठो जाइ॥
जिंहि की मैली आरसी, काठ रह्यो तिहिं ठाइ॥
काम क्रोध का मोरचा, भरम करम को काठ॥
आरसङी दीठो नहीं, कबहूँ सिकलीगर को हाठ॥
कारीगर सतगुर मिलै, सबद मसकला लाइ॥
आतम कीन्हीं ऊजली, ता मैं निरमल दरसन थाइ॥
एक तवा एक आरसी, ऊहै बहन ऊहै वीर॥
ऊहै कुसंगती थै कालो हुवो ऊहिं को निरमल देख सरीर॥
एकही आरण नीपनां, एकही घङ्या लुहार॥
दोन्यूँ एकै लोहका, बखना देखि विचार॥

बाँटो द्‌यूँ नीरों घणा

बाँटो द्‌यूँ नीरों घणा, देखी घणा चराइ॥
माथै कीया पूँछङा, या पहली खेताँ जाइ॥
तीजै व्याँइत अजहूँ व्याई, दूध घणा पण हाथि न आई॥
रात्यों दिहूँ चराई प्याई, दुहों कहाँ डोलै मछराई॥
इस का थणाँ हाथ को लावे, तो साम्ही ह्वै मारण कूँ धावे॥
बछङा आठों पहर पवावे, थण में लिसक रहण नहिं पावे॥

भजि रे मन हरिचरण

भजि रे मन हरिचरण, स्वामी असरण सरण
पतित पावन जाको बिड़द छाजै।
करम कानैं करण दुख दालिद्र हरण
बिना गोविंद क्यूँ भीड़ भाजै॥
जेथि जीव ऊबरे, काज कोई सरे,
सो नहीं कोई आपणै लोक माँही।
जीव को सगो, संसार में सोधियो
बिना गोविंद कोई और नाँही॥
तैं करम जेता किया, नहीं छटै हीया,
जीव जोलै पड्यो असति भापै।
तीन लोक मैं कहूँ ठोहर नहीं
राम बिना दूसरो कोण रापै॥
वो विरद मोटो बहै, पार को ना लहै,
तास की सापि, सुण साधू भणैं।
बात बखना बणैं, समझि घर आपणैं
चालि मन चलि मन तास सरणैं॥

भरमतो भरमतो, तुम्हारै सरणै आयो

भरमतो भरमतो, तुम्हारै सरणै आयो॥
दीन दयाल पतित पावन, एक तूँ ही बतायो॥
चौरासी लख भरमतो आयो, तुम्हारो घर नीठी पायो॥
अनाथ को नाथ एक, तूँ ही ज बतायो॥
और जे बाँधै धाइ, दाम दे लीजै छुङाइ॥
कर्म को बाँध्यो तुम्ह पै छूटै, रामइया राइ॥
सारां ही साधाँ बताई, उबरण की ठौर याई॥
बूझी बखनो सरण आयो, राखि लै राम राई॥

भाव भजन की भाठी आगे

भाव भजन की भाठी आगे, रांम रसायन पीवन लागे॥
भाव भजन की भाठी आगे, रांम रसायन पीवन लागे॥
देहरी कलाली तूँ जिनि नाटै, हरिरस तो है तनकै साटै॥
एक पियाला हमकों दीया, साथी सह मतवाला कीया॥
सद मतिवाले साध हमारे, तन मन कापड़ गहणैं मारे॥
सार सुधारस हिरदा धारे, हरि रस पीवे पिचका डारे॥
पीवे सदा खुमार न भागे, ल्यावही ल्याव सदा ल्यो लागै॥
नाचै गावे हरि रस राते, ‘बखना’ दादूपंथी माते॥

भो जल क्यूँ तिरो रे

भो जल क्यूँ तिरों रे, म्हारो पाँण न पूजै कोइ॥
एकही खेवट नाव बिन, डाभक डूभक होइ॥
अति ओंडो आसघ नहीं, कीजै कौन उपाइ॥
पार परोहन नीसरै, जे हरिजी होइ सहाइ॥
पाँच कुसंगी संगी रहे, भूंडा भूँडे भाइ॥
जे हूँ तिरिबा की करों, तो आधो देइ धिकाइ॥
पाँण नही पाँणी महीं, भेले पङी न वाथ॥
जे तूँ तारै तो तिरों, हरिजी पाकड़ि हाथ॥
भो सागर में डूबतां, अबकै लेहु उबारि॥
बखना देरे बूबङी साहिब कै दरबारि॥

देखी मैं डाकणी जरखि चढी

देखी मैं डाकणी जरखि चढी॥
लेवेका छोडण का नाँही, कोई अैसो मंत्र पढी॥
पाँच बीर जाकै संगि डोलै, सब जोगणी मन भावे॥
नगनि भई, चढबा कै कारणि, वन मैं जरख बुलावे॥
लापसङी का लोंदा करि करि, आपण पाइ खुलावे॥
जब यहु लोग सहर को सोवे, तबै सराडा द्यावे॥
पाडोसणि पण हाँते आई, संग मिली गटकावे॥
भूखी ह्वे तबही भख माँगे, मूँवा मसाण जगावे॥
बहुत सयाने पचिपचि हारे, कोई मंत्र न लागै॥
जाली जलै न जल में वूडै, नीसरि-नीसरि भागै॥
टूनर मंत्र सोकोत्री का सब, हरि को भजन उडावे॥
‘बखना’ अैसा गुरु हमारा, डाकणिलिया छुडावे॥
मनसा डाकणि मन जरख, दौङावै दिन राति॥
‘बखना’ कदेन ऊतरे, सांझ जिसी परभाति॥

दूध की न मूत की

दूध की न मूत की, गाइ कहे सब कोइ॥
अैसी गाइ घर वारणे, वैरी कै मति होइ॥
दूजै व्यांइत व्याई गाई, तिहि नै गूजर दुहिबा जाई॥
सावण व्यावे हाथ न आवे, तिहिं का मछर कोंण उडावे॥
ले ले ठींगा दहूँ दहोड़े, चरबा तै मन रतीन मोड़े॥
खाँट इसी छींका का फोड़े, तिहिने बखना दुहिबा लोड़े॥
चंचल चपल चहूँ दिसि दोड़े, मगरे जाती कोंण वहोड़े॥
वागिन मिलै हिली हरिहाई, भागी फिरै नहीं ठहराई॥

गावङी राखो हरि हावङी करती

गावड़ी राखो हरि हावड़ी करती, वरजो राति पसर ऊछरती॥
गावड़ी राखो हरि हावड़ी करती, वरजो राति पसर ऊछरती॥
अह निस खेत पराया खाइ, नीसरि जाइ बड़ी हरिहाइ॥
वाछा वाछी लीया संगि धावे, मांहै सांड दड़ूकतो आवे॥
जे न्यूँजो तो न्याणों तोड़ै, लातां मारि दुहावणो फोड़ै॥
ठीगैं मारै सो पसवावे, खूँटै बांधी धेन दुहावे॥
दूध घणा दे भूखां मरती, जांण मति देहु जठे पहली चरती॥
घेरि घारि ‘बखनो’ घर आणैं, नीसरि जाइ तो परमेसुर जांणै॥

हरिभज लाहो लीज्यो रे

हरिभज लाहो लीज्यो रे॥
थारो जनम सुफल सो होइ, तूँ अहलो यूँही न खोइ॥
लाहो साधूं सेवियां रे, लाहो भगति कीया॥
जीवन मुक्ति फल पामिये, हरि जी को नाँव लीया॥
साधां सेती गोठङी रे, कोटि करैं अपराध॥
धनि रे दिहाङो आज को, म्हारे द्वारे आया साध॥
धन जोबन सब पाहुणों रे, आइ मिल्या दिन दोइ॥
घिरती फिरती छांहङी, जातां वार न होइ॥
नैणां वैणां श्रवणा रे, रसना रामइयो गाइ॥
जनम सुफल करि आपणों, बखना बिलम न लाइ॥

माया वादली रे

माया वादली रे, तामैं हरि चंदा दीसै नाँही॥
तिहि कारण दुख पाइ है, कमोदनि जल माँहि॥
माया का वादल मिल्या, चंद छिप्या ता माँहि॥
मोह अंधारा ह्वै रह्या, तांथै सूझै नाँहि॥
ए वादल बहु भाँति का, पार न पावे कोइ॥
नाँ वादल आघाखिसै, ना रैणि उजाला होइ॥
घात घटा बिन ऊलरै, गाजै नित अहंकार॥
तन तृष्णा दिन की पिवे, यों भीगा संसार॥
रन मैं वन मैं घर महैं, घूमि रही सब ठाँइ॥
बङा बङा गैवर गल्या, माया कादो माँहि॥
ज्ञान पवन जे संचरे, तो वादल देइ उडाइ॥
‘बखना’ कँवल कमोदनी, विगसै चंद तहों दिठे जाइ॥

मेरे मन के माने मोहनलाल

मेरे मन के माने मोहनलाल, तोहि मिलन का मोहि बहुत ख़याल॥
भँवर भवै बन रवै नाँहि, वाकी निरत निवासे कँवल माँहि।
यों मेरा मन लगा तोहि, नैकक मिलने दीजै मोहि॥
कुंज चितारे धरणी छेव, चित नित रापै करे सेव।
यों मेरा मन चरन जाइ, लालचि लागो रहै लुभाइ॥
सीप समंदा जल भझारि, वा जल सों नांहि हेत प्यार।
स्वाति बूँद की रटै प्यास, यों मेरा मन हरि की आस॥
चात्रग कै चित बहुत चाइ, रटतो डोलै तिस न जाइ॥

पहिले व्यांइति व्याइ गाई

पहिले व्यांइति व्याइ गाई, कोण दुहै कोण मेलण जाई॥
लातां मारे बांटो खाइ, जाका बाछा बडी बलाइ॥
काजल पीपल वरण अवरणी, तीनि लोक मैं फिरि फिरि चरणीं॥
वनि वनि फिरै समंदि जल पीवे, धरणी गगन में पल फिरि आवे॥
अमृत सरवे भूखां मरती, धाई फिरै मछरका करती॥
घेरि घेरि के करुं उपाइ, तो मारगि छाड़ि कुमारगि जाइ॥

पकड़ि पकड़ि मन को बैठाइ

पकड़ि पकड़ि मन को बैठाइ, इहि विधि हरि कै सुमिरण लाइ॥
मन दौड़े देहीं बैसांणी, आसण इसा न होइ रे प्राणी।
मन फोरा देही पांगुली, भो सागर तिरवा की रली॥
जब लग मन वैसे नहिं ठाइ, तौ लग तिल भरि तिरयां न जाइ।
मन जाते का करो गरासा, 'बखना' सतगुर कह्या संदेसा॥

सब सुख आपै रोर कांपै

सब सुख आपै रोर कांपै, निरधारां आधार॥
सब सुख आपै रोर कांपै, निरधारां आधार॥
नारद सारद द्वारे गावे, कीरति करै कै वार॥
नाथ तूँ अनाथ बंधू, दालिद भंजनहार॥
अखें अमरपद च्यारी पदारथ, देत न लावे बार॥
मैं अस करिनें गाइयो, कमला नों भरतार॥
दूझै सदा भगति कै होझै, पंडित नांहि धार॥
भगति भूरि दान आपै, मुकति पाडी लार॥
पीलीपहु आराधियो, म्हारा समरथ सिरजनहार॥
‘बखना’ दरबार पहाऊ बोलै, वासन्यों करतार॥

तिहि तीरथ मेरा मन न्हावे

तिहि तीरथ मेरा मन न्हावे, जिहि तीरथ का थाघ न आवे॥
तिहि तीरथ मेरा मन न्हावे, जिहि तीरथ का थाघ न आवे॥
सो बाहरि न भीतर नेड़ान दूरि, सो जल आवे सहज हलूरि॥
मुक्ता झूलि रह्या सर पूरि, तिहिं सर न्हावे पंचू दूरि॥
अड़सठ तीरथ तिन थैं भला, तिस तीरथ मेरा मन चला॥
तिन कै न्हाये निरमल होइ, अैसा तीरथ और न कोइ॥
सुखसागर तीरथ कानांउ, तिहि सागर में डूबी पाउं॥
आठ पहर ताही में रहूँ, अैसा तीरथ और न कहूँ॥
अवरण वरण बहुत विसतार, ता का सूझै वार न पार॥
राँम कलस ता माँहू भरे, तहाँ ‘बखना’ साँपडि सेवा करे॥

बखना जी के सबद शब्द : Bakhna Ji Shabd Sabad Sangrah 



अकलि तहाँ बे अकलि

अकलि तहाँ बे अकलि, सुमति तहाँ कुमति कमाई।
बुद्धि तहाँ करि कुबुधि, पूरी तहाँ ओछी आई॥
साहिब सौं ल्यौ टूटि, जाइ औरा दिशि लागी।
सुधि बुधि का बल मिट्या, बात परचै की भागी॥
सुरति टूटि चंहु दिशि गई, ज्यों जाणौ त्यों जोड़िये।
अब बखना का बल नहीं, गुर दादू गई बहोड़िये॥

आनंद बधावो बाजै

आनंद बधावो बाजै, आतम केवल रांम बिराजै।
अगर चंदन आंगणो लिपाऊँ, मोतियन चौक पुराऊँ॥
प्रेम कलस सिर ऊपरि धारों, हरि आया सामंही पधारों।
पांच सहेली मंगल गावो, तन-मन वारि-वारि दरसन पावो॥
गोवल गुडी भयो उछाह, नारि नेह घरि आवो नाह।
आज म्हारै बस्ती, आज म्हारै वासा, कहै बखनो हरि पुरवी आसा॥

आरती करि आरती आतमा ऊजली

आरती करि आरती आतमा ऊजली।
रामजी पधार्या म्हारे , पूरवन रली॥
तेंतीस समाना ऊपरि चाढी।
चंवर ढुलावे इकपग ठाढी़॥
पंच सबद घंटा निरवाणी।
झालरि बाजै राम नाम बांणी॥
पांच तत्त्व को दीपक धार्यो।
जोति सरूपी ऊपरि वार्यो॥
दसवें द्वारी देव मुरारी।
सनमुख सुंदरि पूजणहारी॥
मन पंडो तिहि सेवा मांही।
'बखना' वारै आवे नाहीं॥

बाणी बरसै सबद सुहावे

बाणी बरसै सबद सुहावे, कनरस भरि-भरि हरिरस पावे।
हरि भगता नें भावे॥
साध सीप संसार समंदा, तामै लिपतन थावे।
स्वाति बूँद सूं हरिरस बरसै, मन मोती होइ आवे॥
रूप बिरप बाबा की बाड़ी, केला भेला ढाँई।
काया केलि में हरिरस बरसै, ह्वै कपूर ता माँही॥
डूँगर हरिया सरवर भरिया, नीर निंवाणा सरिया।
फूली-फूली पृथमी सगली, बाबै आनंद करिया॥
दादुर मोर पपीहा बोलै, और जलचरा जीवे।
बखना बाणी हरि रस बरसै, साध सवाया पीवे॥

गाइये रामइयो दातार

गाइये रामइयो दातार।
सब सुख आपै रोर कांपै, निरधारां आधार॥
नारद सारद द्वारे गावे, कीरति करै कै बार।
नाथ तू अनाथ बंधु, दालिद भंजनहार॥
अखें अमरपद च्यारि पदारथ, देत न लावे बार।
मैं अस करिनें गाइयो, कमला नों भरतार॥
दूझै सदा भगति कै होझै, पंडित नांहि धार।
भगति भूरि दान आपै, मुकति पाडी लार॥
पीलीपहु आराधियो, म्हारा समरथ सिरजनहार।
'बखना' दरबार पहाऊ बोलै, वासन्यों करतार॥

मेरे लालन हो, दरस द्‌यो क्यूँ नांही

मेरे लालन हो, दरस द्‌यो क्यूँ नांही।
जैसे जल बिन मीन तलपै, यूँ हूँ तेरे तांई॥
बिन देख्यूँ तन तालावेली, विरहनि बारहमासी।
दिल मेरी का दरद पियारे, तुम्ह मिलियां तैं जासी॥
रैणि निरासी होइ छै मासी, तारा गिणत बिहासी।
दिन बिरहनि कूँ बाट तुम्हारी, सदा उडीकत जासी॥
जल थल देखूँ परवत पेखूँ बन बन फिरों उदासी।
बूझो कोई उहां थै आया, ठावा मोहि बतासी॥
फिरि फिरि सबै सयाने बूझे, हों तो आस पियासी।
बखना कहै कहो क्यूँ नांही, कब साहिब घर आसी॥

रे चित चिंता जिनि करे

रे चित चिंता जिनि करे, हरि चिंता करसी।
भांडा घडि मुह्डा किया, सोई भलैं भरसी॥
जठर आगनि मैं जीव की, जिनि करी संभाला।
अब नाऊँ नांहि करे, ओ दीन दयाला॥
आगाही आगा लगै, यों करता आया।
भुवंग पिटारां मांहि था भख मारग पाया॥
खूहण खपी अठारहूँ भारथ बहु तेरा।
अंडा राष्या घंट दे, सो साहिब मेरा॥
सुंरजाम तिहुँ लोक का ताकै करि छाँड्या।
सो मांहे छिटकाइसी 'बखने' मुख मांड्या॥

साहिब सुलतान तूं ही

साहिब सुलतान तूं ही, मैं गुलाम तेरा।
धंणी तूं धणियाप कीजै, मिहरबान मेरा॥
आदि अंत तूं ही जाणै, पाना जाद तुम्हारा।
लाल बुवा लौंडी का जाया, हरि बोला हुसियारा॥
सादिया वैहल वै मीरां, ऐसी भांति कमाऊँ।
तुम्हारे दरबार बिना, दूरि रह्या दुख पाऊँ॥
बंदे की अरदासि याही, साहिब सुणि लीजै।
बखनो बकसीस पावे, पाँव लागण दीजै॥

तहा मन भयो रे अडोल

तहा मन भयो रे अडोल।
म्हारे मन बसियो रे, गुर म्हारा को बोल॥
थिति मांहै थिति पाई, आगम थी सो गुरि बताई।
तहां लागो मन लाई, तहां उपजै नहीं और काई॥
चंचल था सो निह्चल कीया, जाइ था सो फेरि लीया।
ऐसा गुरि उपदेस दीया, तिहि आलंबन लागि जीया॥
सबद मांहि सतोष पाया, मन था सो तहां लाया।
कह्या सो हाथि आया, राम रमि सहजि समाया॥
जहां गुरि थापना थापी, जप करै जहां पंच जापी।
प्रगट्यों तहां आप आपी, निरखि 'बखना' सकल व्यापी॥

बाबा रामदेवजी (रामसा पीर) की रचनाएँ : Baba Ramdev Ji Bhajan Pad

बाबा रामदेवजी (लगभग 1352–1385) राजस्थान के प्रसिद्ध लोकदेवता और संत माने जाते हैं। उनका संबंध मारवाड़ क्षेत्र से माना जाता है। उन्हें रामसा पीर और आलम राजा जैसे नामों से भी जाना जाता है। राजस्थान सहित देश के विभिन्न भागों में उनके भक्त श्रद्धापूर्वक उनकी पूजा करते हैं। उनका प्रमुख तीर्थस्थल रामदेवरा (रूणीचा), जैसलमेर में स्थित है।

बाबा रामदेव जी के पद : Baba Ramdev Ji Pad Sangrah


निजानन्द प्रमांण

निज आनंद म्हें ओळख्यौ है जी, ऊग्यौ सहजै सूर॥
वचन बुद्धि सूं ओ पार है जी, इसड़ो अद्भुत नूर।
कलम क्रिया पहुंचे नई जी, लिखूं तो होय कूड़॥
जप तप उणनै लागे नई जी, मुगति रहत मंजूर।
करम क्रिया सारा थाक गया जी, हुय गया चकनाचूर॥
बाहर खोजतां घर में मिल गया जी, बाज्या म्हारे अनहद नूर।
साच कहूं म्हे सांसा मिटग्या है जी, ऊगी म्हारै ग्यान अंकूर॥
वारी हो वारी बालीनाथजी, म्हे तो परस्या जरूर।
रामदेव परचो पायौ है जी, सब में समाया पूरमपूर॥

गुरु प्रमांण

सुणलौ गुरु गम ग्यान निहारी।
गुरु किरपा गोविंद गत जाणौ, आवै भरोसौ भारी॥
ग्यानी गुरु भव दुख सगळा मेटै, अग्यानी आप उळझावै।
मंगतां आगे मंगता मांगै, भूल्या औरां नैं भूलावै॥
गुरु बिना ग्यान ध्यान नईं पावै, संसय कौण मिटावै।
सरणै आयां री संका सह मेटै, निरभै मुगति पावै॥
केई गुरु इसा आरंभ कर, भला ढूंग पाखंड चलावै।
पे'रै भेख भरम रा भांडा, यूँ कांईं मुगति पावै॥
भेदी जकौ भरमै नई कदै नीं पाखंड बणावै।
वेद सास्त्र परचै करिया, भळै न पाछौ आवै॥
आपो नई खोजै औरां नै परमोदै, भूल्या नै भरमावै।
जळ डूबै जळ गह धारा, दूणौ पींदै जावै॥
अग्यानी गुरु नई कीजै, नहचै नाव डुबोवै।
ज्यूं सांग बहरूपिया बाजी, यूँ भूल्या भेख बणावै॥
सिमरथ गुरु सांसौ सब मेटै, निजमन होय ध्यावै।
लट भंवराँ ज्यूँ गत होई जाई, होय भंवर उड़ जावै॥
घर-घर में चेला कर लेवै, स्वारथ लोभ लगावै।
आसा लागी आसरी बांधै, चादर धोती मंगावै॥
गुरु गोविंद एक कर जाणौ, चवदह लोक गुरु सम नांईं।
गुरु महिमा बरणी न जावै, वेद सास्त्र सगळा गावै॥
बालीनाथ गुरु सेन बताई, निज धरम रै मांही।
अजमल सुत रामदे भाखै, अपणै में आप समाही॥

अभय प्रमांण

हां रे बीरा ओ संसार अथग जळ भरियौ,
नीर नजर नईं आवै।
ओ संसार अथग जळ भरियौ रे, म्हारा लाल॥
हां रे बीरा सत री नाव गुरु खेवटिया,
बैठी पार हो जावे म्हारा लाल।
डूबै जिकै नर करणी रा हीणा रे,
बिन विश्वास दुःख पावै म्हारा लाल॥
हां रे बीरा तीन पांच एकण घर लावै,
धीरज धजा लगावै म्हारा लाल।
नेम धरम मल्लाह दोय आछा रे,
समझ नै नाव हलावै म्हारा लाल॥
हां रे बीरा हालै नाव समंद रै कांठै,
सत रौ पंथ बुवारै म्हारा लाल।
चूका जिकै जळ बिच डूबा रे,
फेर ऊंचा नई आवै म्हारा लाल॥
हां रे बीरा जग सूं तार उतारै पार,
वै नर संत बाजै म्हारा लाल।
कैवै रामदै साचा संत अभय हुय जावै,
जम सूं नई डरै म्हारा लाल॥

आगम प्रमांण

घोर-घोर शंख बाजसी, तुरियां तंग तणेला।
आगम भाखै रांमदे, जुग चौथे में बरतेला॥
पिछम धरा सूं दळ ऊमटै, आलम आप आवेला।
धोळा नेजा फरहरै, गिरदां भांग छिपेला॥
गेहूं चिणा दळ में आवसी, गिणवां नाज बिकेला।
नीर नदियां रा मिट जावसी, जळ तो टांकियां तुलेला॥
पै'लां बड़ाबड़ बामणां, पाछे वाणियां नै पकड़ेला।
पाछै जुगत विहूणां जोगियां, ज्यांने जकड़ेला॥
ए’ड़ौ पवन बाजसी, परबत पाखांण उड़ेला।
रूई ज्यूं परबत जावसी, गिर मेर उड़ेला॥
सेंस किरण सूरज तापसी, धरणी तांबा वरणी व्हैला।
तेल कड़ावां ऊकळेला, इण विध नीर तपैला॥
लाखूं मण लोह गळेला, जिणरी चौडाळ घड़ेला।
हसती एरावत जुतसी, वासंग नेता बणेला॥
सवा लाख मण लोह गळेला, ज्यांरी घांणियां घड़ेला।
अनड़ जोधा इनवी जागसी, ज्यांरी तेल पड़ेला॥
पांच लाख दळ दिवला जुपसी, ज्यां में तेल भरेला।
दीप मशालां चांनणै, सायब तुरा टांकेला॥
दिल्ली डेरा देवसी, चित्तोड़ चंवरी रचेला।
धोळो घोड़ो हर रे हांसली, सायब मेघड़ी परणेला॥
हंस बुगला काळा व्हैला, कोयल कागा धोळा बणेला।
चारूं खूंट आलम फिरै, रिषिजन साख भरेला॥
निज धरमी संत साचा, हर री हाजरी भरेला।
आगम भाखै रांमदेव, जुग चौथे में व्हैला॥

मुगति प्रमांण

तोई राणी निज धरम अधिकार है।
भाइड़ां सूं भाव राखो गुरां सूं प्रतीत, बोले रांमदे कुंवर है॥
पृथ्वी कोस पचास दीजौ, दान कनक सुमेर कीजौ।
चिंतामणि कल्पबिरख, पारस कामधेनु समापौ॥
लाख हीरा लाख माणक, पन्ना किरोड़ पचास है।
गंगा तट दान करे, तोई निज धरम अधिकार है॥
किरोड़ कुंजर कनक भरिया, गउ किरोड़ पचास है।
किरोड़ मण गउ-घास आपी, तोई निज धरम अधिकार है॥
भोम गऊ दान तुरी, लाख अठारै हजार है।
पुष्कर दांन आपी, तोई निज धरम अधिकार है॥
किरोड़ कन्या धर्म परणाव, देवे दान अपार है।
पृथ्वी री परकमा कीजै, तोई निज धरम अधिकार है॥
करै जग अश्वमेघ कोटि, गंग तट निज सार है।
विप्र किरोड़ अठियासी जीमै, तोई निज धरम अधिकार है॥
हेम तुल में भेंट देवै, गऊ लख चार है।
रतन चवदह दान देवै, निज धरम अधिकार है॥
तप करै ले काशी, करवत धरै।
गंगा सागर छाप ले, तोई निज धरम अधिकार है॥
जुग चारों सेवा साजै, ऊंधै शीश सार है।
एक मन विश्वास राखै, तोई निज धरम अधिकार है॥
पदम नागण नेम झेलिया, इंद्र कहिजे अवतार है।
मिले प्याले भ्रांत राखै, सोई भगति अनादर विचार है॥
सेंस धारा इंद्र बरसै, अखंड इमरत धार है।
उण धर्म सूं बासक थापियो, जमीं हंदा भार है॥
जुगां पै'ली अमर जोगी, परमांण रै पार है।
ओस रा अलील राणी, पूजे धर्म निज या सार है॥
शंकर रै घर अटळ भगति, इंद्रनेम आधार है।
शक्ति शंकर विष्णु ब्रह्मा, वे ही पूजै धर्म निज सार है॥
वेद विरला ग्यान गीता, ध्यान तपस्या सार है।
तेज तुरीया विणज करिया, वे साधु सुचियार है॥
हरष मन सत धर्म अपणाओ, सोई तेतीसां लार है।
सो नर पूगसी प्रमांण, बोल्या रांमदे कुंवार है॥

बुद्धसिंह हाड़ा री रचनावां : Budhsingh Hada Savaiyya Chhand Kavitt

बुद्धसिंह हाड़ा (1695–1739) हाड़ा वंश के शासक और बूंदी राज्य के नरेश थे। वे हाड़ौती क्षेत्र के प्रमुख शासकों में गिने जाते हैं। उनका शासनकाल बूंदी के इतिहास में महत्वपूर्ण माना जाता है। राजस्थान के इतिहास में बुद्धसिंह हाड़ा का उल्लेख बूंदी के हाड़ा शासक के रूप में मिलता है।

बुद्धसिंह हाड़ा के कवित्त : Kavitt Buddha Singh Hada 

अैसी यह रीतिसौ लुभानै

अैसी यहं रीतिसौं लुभांनै बलि बारंबार,
कहीहू न जात सुनी बात न जे चलियां।
रावरै तौ रीझि इन बातनकी परी आय,
चंद चाहि चंदमुखि मिलियां न गलियां।
भीजी अनुराग उन अंगनकैं राग अंग,
अंग प्रति राग जाकैं रंगरीझ छलियां।
चन्द्रिकान चलियां चकोरूंकी अवलियां वे,
चौकीदार भई हैं चंबेलिनकी कलियां॥

भोर पति संग ते ससंक अंक ‘जोर आली’

भोर पति संग ते ससंक अंक ‘जोर आली’,
बैठी सखियन साथ छबि साथ टूटी हैं।
छूटैं कल अलकैं बिछूटै नैंन स्यामताई,
ओठ ‘रदन-छंद’ सौ ‘सबै जात लूटी हैं’,
ता छबि निहारि आंखै ‘हसी अनहसी हसी’,
हसिबे कौं भई ताकी उपमां यौ जूटी हैं।
रबि के उदैतैं मांनौं सब वे सरोजनी सी,
खुली अधखुली एंकै खुलैं एकै खूटी हैं॥

चन्द्रकों चकोर ज्यौं

चन्द्रकों चकोर ज्यौं दिवाकरकों चक्रवाक,
जैसे मघवांनकों कलापी वरजोरी हैं।
जोगी जोग-ध्यानकों जुराफा ज्यों जुरानकों,
महोदधिके थानकों मराल मति मोरी है।
ए री बलि चंदमुखी तेरे मुखचंद पर,
वृंदांवनचंदकी लगनि यों निहोरी है।
चाय वरजोरी यन चातकन लोचननि,
चातकतें चोरी कैंधो चातकन चोरी है॥

चन्द्र कों चकोर ज्यौं दिवाकर कों चक्रवाक

चन्द्रकों चकोर ज्यौं दिवाकरकों चक्रवाक,
जैसे मघवान कों कलापी वरजोरी हैं।
जोगी जोग-ध्यान कों जुराफा ज्यों जुरान कों,
महोदधि के थान कों मराल मति मोरी है।
ए री बलि चंदमुखी तेरे मुखचंद पर,
वृंदांवनचंद की लगनि यों निहोरी है।
चाय वरजोरी यन चातकन लोचननि,
चातक तें चोरी कैंधो चातकन चोरी है॥

एक समैं हरि राधिका सौं

एक समैं हरि राधिकासौं, समैं प्रात लसैं छबिता सरसी है।
एक सखी तहां सौतिकी आय, गुपांलसौं बोलकैं रोस गसी है।
अैसे प्रसंगनिकौं लखिकैं, मिलि सारी सकोचकौं देखी लसी है।
एक सखी लखि रीझि हसी, एक आखैं हसी एक बोल हसी है॥

एक वोर मगा गगो

एक वोर मंगा गंगा सोहै एक वोर आधैं,
छूटि रहे केस आधैं छूटी जटा भेसकौं।
आधैं दुपटा है लंक सोहत बघंबर सौं,
सोहैं ससि भाल नव बेस केल बेसकौं॥
आखिन तरंग भंग भ्रिकुटी अनंग बर,
दैंन कौं उमंग राजैं भसम उजेसकौं।
भूषन फनेस सुर सेवत सुरेस बेस,
मेरी वोर की हमेस आदेस भूतेसकौं॥

जा दिनतै लगे नैंन तिहारे

जा दिनतै लगे नैंन तिहारे, सो ता दिन तैं वे बिके तन त्यौं हैं।
काहू कौं ‘लाच दै काहू कौं सांच दै, काहू कौं आंच दै जाच दै ज्यौं हैं।
अंबु ज्यौं ओछै परी सफरी, नफरी भये त्यौं अकुलात से यौं हैं।
आजु कछू फिरि काल्हि कछू परसौतै कछू तरसौतै कछू हैं॥

प्रीतिके उपायनसौं

प्रीतिके उपायनसौं भांति भांति भायनसौं,
सहज सुभायनके भाय़नकौं लै रहे।
निपट प्रगट उघटत न घटत नट,
सु लटैं सुघट उछटनि छबि छै रहे॥
बृंदाबनचंदके दरस पर बारबार,
जीतिबेके जंत्रनसे जतन जितै रहे।
खंजन पंटतर न लागत निरंतर,
सो नैंना पट-अंतर धनंतरसे ह्वै रहे॥

प्रीति के उपायन सौं भांति-भांति भायन सौं

प्रीति के उपायन सौं भांति भांति भायन सौं,
सहज सुभायन के भायन कौं लै रहे।
निपट प्रगट उघटत न घटत नट,
सु लटै सुघट उछटनि छबि छै रहे।
बृंदाबनचंद के दरस पर बार-बार,
जीतिबे के जंत्रन से जतन जितै रहे।
खंजन पटंतर न लागत निरंतर,
सो नैनां पट-अंतर धनंतर से व्है रहे॥

सरद के चन्द्रमा सौ राजत बदन-चंद

सरद के चन्द्रमा सौ राजत बदन-चंद,
छूटे केस-पास भारे लंक बिसतारे है।
कंचन के कुंभ जैसे उंनत उरोज अति,
भारे-भारे अंग गहि भायकै उतारे है।
चितवनि हसनि चलनि चातुरी सौं चारु,
अैसी उपमांनि निरधार न बिचारे है।
मांन मद परवे गुमांन गति परवे सो,
तेरी गति गरवे गयंद लखि हारे हैं॥


बुद्धसिंह हाड़ा के सवैया छंद : Savaiyya Buddha Singh Hada 

आज लसै ब्रजनारी सबै

आज लसैं ब्रजनारी सबै, जमना तटपैं जुरि आई अलेखैं।
ता समैं आप कढे नंदनंदन, सोहैं चढे उपमांन बिसेखैं॥
रीझि रही अपनैं अपनैं मन, देखि सबै प्रगटें य्यों असेखैं।
कोरि चकोरनकी चित चाह, रही जैसे चौदहैं चंदके देखैं॥

आजु कछूं बलि राधिकासौं

आजु कछूं बलि राधिकासौं, हरि सोहत रूठिकै बैठे अपूठैं।
आय घिरी चहुं औरनतैं, यौं मनावन लागी सखीन अहूठैं॥
ता छबिकौं लखिकैं इहि भायसौं, दौरी यों उप्पमता न अनूठैं।
चंदमुखी चहुं औरनतैं, मनु चंदकौ चंद मनावत रूठैं॥

आजु कहौं फिरि काल्हि कहौं

आजु कहौं फिरि काल्हि कहौं, परसौंकौं, कहौं बिन बातन जीहैं।
केते खिजैं बरजैं लरजैं, तरजैं न तऊ अरजैं समही हैं।
लाज न लेस कुलाज कलेस न, अैसी हमेस न रीति नई हैं।
प्रीति सरीति कितेकनसौं, पे लियें फिरैं चाहि चकोरनकी हैं॥

आजु मैं देखी है गोपसुता मुख

आजु मैं देखी है गोपसुता मुख, देखै तै चन्द्रमा फीकौ व्है जोतो।
गोर गुलाब की आबहू तैं, गहराई गुराई कैं संग समोतो।
सिंधुसुता सम ताकैं समांन, सो वा बलिकौ रंग ओर अन्होतो।
होती जो कुंदन कै अंग बास जौ, जौ कहुं केतकी कांटौ न होतो॥

अंजन मंजन कैं दृग-रंजन

अंजन मंजन कैं दृग-रंजन, खंजन चंचलताई चुराई।
मांग बनी सजनी सिरि ज्यौं गिरि, बिंध पै गंग की धार धसाई॥
टीका जराय कौं साथ लसै मिलि, भाल पैं बंदन की चतुराई।
बैंनी बनाय गुही बलि आजु मैं, मांनौं भुजंगनि पांख लगाई॥

हौं पठई कबकी मत लैंन

हौं पठई कबकी मत लैंन, सौ तेरैं कहा कितहू मन भायौ।
कौंनसी बातन कैसी करै, नहिं जांनत कैसैं कहा समझायौ॥
और सीमेटि सबै चितकी, मिलबौ करिए अति ही अकुलायौ।
तू सुनि री बलि चंदमुखीसों, चलै क्यौं न चंद सिरांहनै आयौ॥

जा दिन तैंभये रावरैं मांन

जा दिन तैंभये रावरैं मांन, सम्हारै न बातनकी गहराई।
वा दिनकी उन बातनपैं बलि, कीजिये क्यौं यतनी सतराई॥
वाकै भये मुख रूखैं कछू, ज्यौं सबै सखियानकी उप्पम छाई।
रातिकै आंवन पांतिकी पांति, मनौं जलजातकी जात लजाई॥

केती मजूरी सुधारी कमांन

केती मजूरी सुधारी कमांन, भर्‌यौ भलका जिहिं बीच सराहैं।
हेरि समुद्रसौं लाल मगायकै, लाखनि साथ लई लखि लाहैं॥
ल्याई तिहारे सिंगारकैं काजु, छकी मति रीझि लखैं छबि ताहैं।
मोंलके मैघेसौ मोती मनौं, नथ मोतिय-चंद मिल्यौ मुख चाहैं॥

मंद भयौ पियकौ मुख चंदसौ

मंद भयौ पियकौ मुख चंदसौ, चंद्रिका हौंन चली सरनैं है।
सौंतिनके खुले नैंन-सरोज, हितू चित जैसैं मुद्रा बरनैं हैं॥
मोतिनहार नखित्रन-जोति, यौं मानसमैं उपमां झरनैं हैं।
जेठ समैं मांनौं तापसौं तूटिकैं, छूटि परी रबिकी किरनैं हैं॥

प्रातहुतै मुख पांन दये नहि

प्रातहुतै मुख पांन दये नहि, रैंनि जगी अंखिया अनुरागी।
याहीतै मैं पठई सबही मिलि, बोलन साथ बडी बडभागी॥
चालौ मिलौ उठिकैं हितसौं, उनकी अैसैं चाहि रही उरझागी।
चक्रत चाहि चहूंदिसितैं, अवसेरि ज्यौं चंद-चकोरन लागी॥

राधेसौं आजु कछु नंदनंदन

राधेसौं आजु कछु नंदनंदन, भारी हियें मन मांन भर्‌यौ है।
सारी सखीन मनांवनकौं, मिलिबेकौं तऊ मनहूं न कर्‌यौ है॥
ता छबिकौं लखिकैं छकिकैं, मन मेरौ यौं उपम्मताई तर्‌यौ है।
सांझ समैं अरबिंदनपैं ससि, सोलै कलानि लयें उघर्‌यौ है॥

राधिके रोसमैं आजु लखी

राधिके रोसमैं आजु लखी, गरैं मोतिनकी मिलि माल बिछूटीं।
बातैं बकैं सक सैंन थकै, अैसैं नाखैं कितेकसी घातैं अफूटीं॥
गोरी मनांवनकौं सब दौरीसी, जे उपमां मंन मेरेमैं जूटीं।
लै छबि यौं अध-अंबरतैं, चपला मनु चंद मनांवन टूटीं॥

रैनि समैं सलिता मधि मैं

रैनि समैं सलिता मधि मैं, नंदनंदन राधे लसैं यौ तिरे हैं।
सोहैं कमोदनि सी सखियां, परसैं अति आंनद-रंगभरे हैं।
यौं दुहु-वोरन की छबिता सौं, समाज सौं आखिन बीचि धरे हैं।
ज्यौं ससि साथ नछित्रन कै, प्रतिबिंब त्यौं छूटि दुहूं उघरे हैं॥

रातिके जागतही बृजचंद

रातिके जागतही बृजचंद, निहारत आरसी ज्यौं सरसी है।
पीछैसौं आय मनांवनकौं, सुखसौं प्रतिबिंब दै कैं परसी है॥
आपनैं कंठकौ हार हियें पर, डारत उप्पमता दरसी है।
फेरि फिरैं मुखचंदकी ओर, मनौं करि कांम-कमान कसी है॥

रावरी बातैं सुभायकैं भायसौं

रावरी बातैं सुभायकैं भायसौं, चाहिकै भाय कहूं जी चढैंगी।
ता पर आवन यौं तमको, मग फैलिकैं चांदनी कुंज मढैंगी॥
मोही महा डर है धौं बडौ, पढै मंत्रन जंत्र अनेक बढैंगी।
राधिकाकी वे बड़ी-बड़ी-आंखैं, गडी तो गडी न वे काढी कढैंगी॥

स्यांम-सरीर लसै पट पीत

स्यांम-सरीर लसै पट पीत, मनौं घन-दामनि रूप भयौ है।
बीरा बन्यौं मुख सांथ मनौहर, यौं उमह्यो अनुराग नयौ है॥
मोर की चंद्रिका मोहै महा मन, अंग-प्रकासन तै उगयौ है।
चंद से आंनन पैं दिये खौरि, सुचंदन की चित चोरि लयौ है॥

आचार्य भिक्षु रचनावां काव्य खंड : Aacharya Bhikshu Ke Kavya Khand

आचार्य भिक्षु परिचय

Aacharya Bhikshu

जन्म–निधन
1726 – 1803
जन्म स्थान
मारवाड़, राजस्थान
प्रमुख पहचान
तेरापंथ धर्मसंघ के संस्थापक
प्रमुख रचनाएँ
भिक्षु के पद एवं धार्मिक साहित्य

रचनाएँ

द्रोपदी रो बखांण आचार्य भिक्षु


दूहा


हाहाकार हुवो घणो, अमरकंका नगरी मांय।

राजधानी पड़ी भागी बिखरी, देखी नें डरप्यो राय॥

हिवे पदमनाभ राजा मन चिंतवे, हूं जीवां बचूं किण ठाम।

जो शरणे जावूं द्रोपदी तणे, तो कृष्ण न ले म्हारो नाम॥

इम विचारने नीकल्यो, ओर न कोई साथ।

शरणे आयो द्रोपदी तणे, ओ बोल्यो जोड़ी हाथ॥

तुझ शरणे हूं आवियो, इम बोल्यो राजान।

जब द्रोपदी राजा नें कहे, ते सुणो सुरत दे कान॥

चौपाई


हिवे द्रोपदी कहे सुण राय, आय वणी ताहरे जी।

थे मोटो करे अन्याय, शरणे आया मांहरे जी॥

कृष्णजी तीन खंड रा नाथ, त्याने तें खिजाविया जी।

थारी अकाले करवा घात, सताब सूं आविया जी॥

ओ तो शूर वीर बलवंत, प्राक्रम त्यारों अति घणो जी।

त्यां कीधो वेर्‌या नो अंत, साहमा मंड्या तिण तणो जी॥

त्यानें पाछा भागण रो नेम, विरुद लियां वहे जी।

जो उवे आधो काढे एम, तो मरजाद में कुण रहे जी॥

जो तूं जीवणो वांछे राजान, केई दिन ताहरो जी।

तो तूं छोड़ दे निज अभिमान, कह्यो कर माहरो जी॥

तो तूं अस्त्री वेश बणाय, पहर नारी वेस नें जी।

वले दाढी मूंछ मुंडाय, दूरा कर केश ने जी॥

स्नान करे सुध न्हाय, दूरा मेल टाल टाल ने जी।

वले पहरण भीनी साड़ी ल्याय, नीचा छेहड़ा राळ नें जी॥

काजळ घाल आंख्यां मांय, टीकी दे निलाड़ नें जी।

वले नाक में नथ लटकाय, गळे पहर हार ने जी॥

दोनूं बांहां में चुड़लो घाल, कचु पहर ने आण ने जी।

वले अस्त्री नी पर चाल, घूंघट नीचो ताण ने जी॥

भेंटणो वहु मोळो वखाण, तिणसू भर थाळ ने जी।

वले मोनें ले आगेवाण, गर्व थारो गाळ नें जी॥

वले घणा अतेवर मांहि, परवार सूं जाय नें जी।

इम वादे कृष्णजी रा पाय, अपराध खमाय नें जी॥

वले कहिजे तूं जोड़ी हाथ, भूंडो काम म्हे कियो जी।

हिवे जीवां वचूं किरपानाथ, शरणो तुझ में लियो जी॥

जो इसड़ी कहे करे नरमाय, तो जीवा वचे सही जी।

ते पिण अस्त्री वेस वणाय, तो कृष्ण मारे नहीं जी॥

त्रिय वेस वड़ा टबा मांहि, प्रतख ही पेखियो जी।

तेहनें अनुसारे ताहि, वर्णन त्रिया नों कियो जी॥

दूहा


ए वचन सुणे द्रोपदी तणो, पदमनाभ राजान।

पछे द्रोपदी कह्यो तिमहिज कर्‌यो, मेले निज अभिमान॥

अस्त्री रूप वणाय ने, अतेवर ले साथ।

शरणे आयो श्रीकृष्ण रे, बोलियो जोड़ी हाथ॥

हूं बल प्राक्रम देख तुम तणो, रिधि देख पाम्यो अगाध।

हिवे वारूंवार खमजो तुमे, म्हारो कियो अपराध॥

पगां लागो श्रीकृष्ण रे, सूंपी द्रोपदी ने आण।

जब कृष्णजी पदमोत्तर भणी, करड़ी बोल्या वाण॥

रे अपत्थ पत्थिया पापीया, आ द्रोपदी मांहरी वेन।

इणने थें आणी जाण नें, तो किण विध पामसी चेन॥

हिवे जीवतो जा तूं इहां थकी, भय मत पाम लिगार।

इम कही पदमोत्तर भणी, सीख दीधी तिणवार॥

चौपाई


हिवे पाछा वल्या श्रीकृष्णजी रे, द्रोपदी ने लेई साथ।

पांचूं पांडवा ने आणी द्रोपदी रे, सूंपी हाथो हाथ॥

पांडवां देखी द्रोपदी भणी जी, मन माहे हर्ष अपार।

हिवे पांच पांडव छठा कृष्णजी रे, वेठा रथ मंझार॥

जंबू द्वीप रा भरत ने जी, नीकल्या जीते राड़।

लवण समुद्र विचे थई जी, चाल्या कृष्ण मुरार॥

तिण काले ने तिण समे जी, घातकी खंड द्वीप रे माहि।

पूर्व अर्द्ध भरत मंझे जी, चंपा नगरी ताहि॥

पूर्णभद्र नामे वाग थो जी, छहुं रितु में सुखदाय।

तिहा तीन खंड केरो अधिपति जी, राय लखण गुण तिण मांय॥

तिण काले नें तिण समें जी, मुनि सुव्रत अरिहंत।

ते तीर्थंकर बावीसमां जी, तिहां आया विहार करत॥

चंपानगरी रा वाग में जी, समोसर्‌या भगवान।

धर्म कथा तिहां सांभळे जी, तीन खंड रो राजान॥

धर्म कथा सुणतां थकां जी, संख शब्द सुणियो ताम।

जाणे दूजो वासुदेव ऊपनी जी, भय पाम्यो तिण ठाम॥

जब मुनि सुव्रत स्वामी कहे जी, सुण कपिल वासुदेव राय।

थें जाण्यो इहां कोई ऊपनों जी, दूजो वासुदेव आय॥

तीर्थंकर चक्रवर्ती मोटका जी, वासुदेव बलदेव जाण।

एक खेतर में एक एक ऊपजे जी, दोय दोय न उपजे आण॥

जंबू द्वीप रा भरत में जी, हथणापुर नगर मंझार।

तिहा पांच पांडव नी भारज्या जी, द्रोपदी नामे नार॥

अमरकंका नगरी तणो जी, पदमोत्तर नामें राय।

तिण द्रोपदी ने आणी इहाजी, मंत्री देव बोलाय॥

तिणसूं पांच पांडव ने कृष्णजी रे, आया तिणरी वाहार।

संग्राम कियो तिण अवसरे जी, संख पूर्‌यो तिणवार॥

मुनिसुव्रत स्वामी ने वादने जी, प्रश्न पूछे तिणवार।

तो हूं जाय मिलूं हिवे तेहसूं जी, निजरां देखूं कृष्ण मुरार॥

तीर्थंकर तीर्थंकर मिले नहीं जी, चक्रवर्ती सूं चक्रवर्ती नाहिं।

वासुदेव न मिले वासुदेव सूं जी, नहीं मिले बलदेव माहोमांहि॥

धवळी पीळी ध्वजा रथ तेहनीजी, मांहे बेठा कृष्ण मुरार।

ते ध्वजा देखसी उण रथ तणी, लवण समुद्र मंझार॥

दूहा

वंदना कर हस्ती चढ़्यो, सुण अरिहंत री वाण।

लवण समुद्र नी वेल छे, तिहां ऊभो सताव सूं आण॥

कृष्ण वासुदेव तेहनीं, ध्वजा रथ री देख।

लवण समुद्र मांहे जावतां, तिणसूं हरखित हुवो वशेख॥

ए उत्तम पुरुष मो सरिखो, कृष्ण वासुदेव राय।

लवण समुद्र मांहे थई, जबूं द्वीपे उतावळो जाय॥

जब संख पचायण पूरियो, ते सांभळयो कृष्ण महाराय।

त्यां पिण पाछो संख पुरियो, कीधो घणी नरराय॥

सखे संख मिलिया तिहां, दोनूं वासुदेव राय।

हेत जुगत मनवारां करी, ते संख शब्द रे मांय॥

चौपाई

हिवे कपिल वासुदेव राजान, कृष्णजी ने देई सनमान।

अमरकंका राजधानी जठे, सबळो साथ ले आयो तठे॥

अमरकंका विखरी तिणवार, भागा तोरण पोल ले किंवाड़।

राजधानी विदरूप वशेख, गढ़ कोट किल्ला घर पड़िया देख॥

कपिल वासुदेव पूछे एम, आ राजधानी विखरी कहो केम।

भागा तोरण पोल किंवाड़, गढ़ कोट किल्ला रे पडिया वघार॥

जब पदमनाभ राय बोल्यो आम, सांभळो तीन खंड केरा स्वाम।

जंबू भरत रो कृष्ण वासुदेव, ते जुद्ध करण आयो स्वयंमेव॥

उण थांरी काण न राखी कांय, तिणरे राज लेवण री थी मन मांय।

म्हे जुद्ध करने दियो भगाय, ताप पड़ि तिणसूं पाछा जाय॥

म्हें तिणसूं जुद्ध कियो तिण काल, आमां साहमां वूहा गोळा नाळ।

गढ कोट किल्ला पड़िया तिणवार, भागा तोरण पोल किवाड़॥

इम झूठ बोल्यो पदमोत्तर राय, ते कपिल वासुदेव सुणियो ताय।

तिण ऊपर कोप चढ्या तिणवार, करड़ा वचन कह्‌या निराधार॥

रे अपत्थ पत्थिया मूढ़ गिंवार, अकाले मरण रा वाछणहार।

मुझ सारिखा पुरुष कृष्ण राजान, त्यांसूं जुद्ध कियो धरमान॥

त्यां तोने दियो तुरत हठाय, तूं भाग ने आयो नगरी मांय।

थारी ध्वजा पताका लीधी लूट, तूं मो आगे काय बोले झूठ॥

घणो निभ्रंछी पाड़ी माम, वले देसोटो दियो तिण ठाम।

जिहां जिहां वरते म्हारी आण, त्यां तूं कठेई म रहिजे जाण॥

हिवे पदमनाभ रो पुत्र बोलाय, तिणने राज वेसाण्यो ताय।

ते कपिल वासुदेव स्वयंमेव आप, अमरकंका रो राजा थाप॥

तिहांथी चाल आया निज ठाम, सुखे राज करे अभिराम।

हिवे जादवराय श्री कृष्ण मुरार, ए पिण समुद्र उतरिया पार॥

दूहा

हिवे पांचूंई पांडवा भणी, कहे कृष्ण आम।

थें जावो गंगा नदी ऊतरो, सुखे करो विश्राम॥

हूं लवण सुठिया देवता कन्हे, सीख मांगे ने तिण पास।

बात करनें आऊं वेगसूं, थे मत होवजो उदास॥

पांडव तिहांथी नीकल्या, आया गंगा नदी रे मंझार।

एक नावा मिली तिणमें वेसने, पांडव उतरिया पार॥

गंगा नदी उतर पांडवां, तिहां विचार कियो मन मान।

नावा मत मेलो श्रीकृष्ण नें, ए किसड़ाएक बलवान॥

गंगा नदी भुजा करे ऊतरे, एहवा बलवंत छे के नाहिं।

आ पारखा करण श्रीकृष्ण री, एहवी धार बेठा मन माहिं॥

चौपाई

देवता सूं हो मिलने श्री कृष्ण महाराज, सीख मांगेनें तिहाथी चालियाजी।

गंगा नदी हो वहे घणी ओगाज, तिणरा कांठा ताई आया रथ चालियाजी॥

नदी माहे हो नहीं कोई रथ रो काम, जब नावां नें जोवण लागा जादवपतिजी।

चिहूं दिशि जोया हो नावां नहीं दीठी ताम, वले नावां न देखी नदी मांहे आवतिजी॥

जब जादवपति हो रथ नें घोड़ा सारथी सहीत, एक भुजा सूं त्यांने झालियाजी।

एक भुजा सूं हो तिरीया जाए डर भय रहीत, गंगा नदी मांहे आघा चालियाजी॥

मध्य भागे हो आया गंगा नदी रे मांय, तिहां थाका अंतत परसेवे भीना घणाजी।

जब चिंतवे हो मन में श्रीकृष्ण महाराय, ए अति बलवंता पांडव पांचूं जणाजी॥

ते भुजा कर हो उतरिया गंगा नदी रे पूर, हूं थाको पाणी में बळ चाले नहीं जी।

इम चितवंतां हो गंगा देवी आई हजूर, तिण पाणी रो थाग देवी सहीजी॥

तिहां मुहुर्त मात्र हो जदुपति ले विश्राम, पछे गंगा उतर कुसले खेमे आवियाजी।

पांच पांडव हो सुखे बेठा छे तिण ठाम, तिहां कृष्णजी आय तिणनें सरावियाजी॥

श्रीपति बोल्या हो पांडवा थें तो अति बलवान, थें भुजा करे नदी उतर ने आवियाजी।

भगाया हा थांने तिहां पदमनाभ राजान, जब तो थें वचन मांहें छळावियाजी॥

जब पांडव हो कहे सांभळ कृष्ण महाराय, म्हे नावां सूं नदी उतर आया इहांजी।

ते नावां नें हो साहमी नहीं मेली ताय, म्हे पांचूई मिलनें विचार कियो तिहांजी॥

गंदा नदी हो साढा बासठ जोजन मांहि, आ चोड़ी ओगाज करती वहे सहीजी।

ते कृष्णजी हो भुजा कर उतरे के नांहि, एहवो वल प्राक्रम छे के यांमे नहीं जी॥

ए वचन सुणनें हो तीन लीटी चाढ़ी निलाड़, कृष्णजी कोप चढ़े रोस आणियोजी।

थे पांचूंई पांडव पूरा मूढ़ गिंवार, अजेस म्हारो बळ प्राक्रम न जाणियोजी॥

लवण समुद्र हो उतावळ सूं वेग उलांग, पदमोत्तर नें हठाय मान भंग करीजी।

अमरकंका हो म्हे तो मार विखेरी भांग, म्हे द्रोपदी आणनें थां आगळ धरीजी॥

थे तो भागा हो छोडेआया द्रोपदी री आस, जब विलखो वेदळ मुख जाण्यों म्है थाहरो जी।

ते म्हे आणी हो सूंपी द्रोपदी तुम पास, जब थें न जाण्यों बळ प्राक्रम माहरोजी॥

दूहा

वले करड़ा वचन कहे कृष्णजी, कोप चढ्या अति पूर।

लोह डंडा लेई हाथ में, पांचूं रथ किया चकचूर॥

वले देसोटो दियो कृष्णजी, पांचूं पांडवा नें ताम।

जिहां आण वरते छे मांहरी, थें मत रहिज्यो तिण ठाम॥

पांचूं रथ भांग्या पांडवां तणा, नगर वसायो तिण ठाम।

तिहां लोकां जावाने थापियो, भागीरथ तीरथ नाम॥

हिवे तिहांथी निकल श्रीकृष्णजी, आया कटक उतरियो तिण ठाम।

पछे सेना सहित परवर् या थका, आया द्वारिका नगरी ताम॥

पांडव हथणापुर आविया, ले पोता रो साथ।

पडू राजा कन्हे आयनें, ए बोल्या जोड़ी हाथ॥

म्हानें देसोटो दियो कृष्णजी, वले कीधा आग्या वार।

म्हांसूं करड़ी कीधी कृष्णजी, देसोटो दे इणवार॥

चौपाई

हिवे पूछे पंडूराय, देसोटो थाने क्यूं दियो जी।

इसड़ो कवण अन्याय, मोटो खून थें कियो जी॥

जब पांडव बोल्या तिणवार, म्हे द्रोपदी ल्याविया जी।

समुद्र उतरिया पार, कुसळे खेमे आविया जी॥

जब कह्‌यो कृष्णजी मांय, गंगा उतरो तिहां जी।

थें चालो आण हुलास, हूंतो रहिसूं इहां जी॥

हूं सीख ले देवता पास, वेगो आऊं तिहां जी।

थें चालो आण हुलास, हूं रहिसूं इहां जी॥

जब म्हे आया गंगा समभाव, नावां सूं उतर जिहां जी।

म्हें साहमी न मेली नाव, विचार कियो तिहां जी॥

कृष्ण बलवंत छे के नांहिं, नावां बिन ऊतरे जी।

इण गंगा नदी रे मांहि, भुजा करनें तिरे जी॥

पछे कृष्ण भुजा रे जोर, गंगा तिर आविया जी।

म्हे बेठा छा तिण ठोड़, म्हांनें त्यां सराविया जी॥

म्हांनें कृष्णजी कह्‌यो आय, बलवंत पांचूं जणा जी।

भुजा सूं नदी तिर बेठा आय, म्हे तो थाका घणा जी॥

जब म्हे कह्‌यो नावा सूं ताम, तिरनें इहां आविया जी।

थारो वळ जोवा रे काम, नावां नहीं ल्याविया जी॥

जब कोप्या कृष्ण मुरार, निलाड़ सळ चाढ़ने जी।

वळे म्हांने दीधी धिक्कार, करड़ा वयण काढनें जी॥

पूर्व बीती बात साख्यात, मांडे तात ने कही जी।

जाव देसोटा लग बात, सुणाय दीधी सहीजी॥

जब पंडू राजा कहे आम, अकारज थे कियो जी।

अविनो करे तिण ठाम, देसोटो थें लियो जी॥

थांसूं किया गुण अनेक, भाई हित जाणनें जी।

त्यांरो करे हासो ठेक, त्यांसूं तोड़ी ताणनें जी॥

ओलंभा दिया पडूराय, पांचूं पांडवां भणीजी।

हिवे रहो किसी ठोड़ जाय, कृष्ण तीन खंड घणी जी॥

जब बोल्या पांडव पांचूं माय, होणहार टळे नहीं जी।

हिवे करवो कवण उपाय, विचार करो सही जी॥

वैराग री ढाळां आचार्य भिक्षु


दूहा


केइ बालपणे समज्या नहीं, वले जोबन दीधो खोय।

पछें बुढापो आयां थकां, कुण कुण अवस्था होय॥

शक्ति घटी देही तणी, वले वली लीलरी आय।

तिणसूं कमायो पिण जावे नहीं, जब बेठो रह घर मांय॥

जब गमतो न लागें केहनें, वले दीठांई न सुहाय।

पुण्य संचो पूरो हुवो, हिवें दुख मांहें दिन जाय॥

खाट पड्‌यो खूं खूं करे, हुइ सूगली देह।

हाल हुकम चाले नहीं, परिजन फिर दीधो छेह॥

भूख तृषा पीड्यो थको, पामें दुख अतंत।

जरा आइ जोबन गयो, जब कुण-कुण हुवे वृतंत॥

चौपाई


बूढो डिगतो डिगतो चाले, आंख नाक झरे सिर हाले।

कांख वाय ज्यूं मस्तक घूणे, जब जाय बेठो घर खूणें॥

बूढो खूं खूं करतो थूके, घर रा तिण ऊपर कूकें।

नींठ नीठ दड लीप सुधार्‌यो, थें तो सगळो आंगण विगाड़्यो॥

बूढे हाठ हवेली कराया, तठे वेसण न दे जाया।

नोहरे जाय बेसाण्यो एकंत, सार संभार को न करत॥

सुसरे करे घणी नरमाइ, पुत्र नी बहु नें बतळाइ।

है तूं बडा साजन की जाइ, मोनें ठंडो सो पांणी पाइ॥

हूंतो होवुं छूं कातण सूं खोटी, हूं तो किम भर ल्यावुं लोटी।

इम सुण हुवो बूढो उदास, न्हांखे हिया मांसूं निसास॥

बूढा सूं बेठो रहणी नावें, वले बेटा री बहु नें बोलावे।

कहे मोसूं बेठो रह्‌यो न जाय, खाट गूदड़ी दे तूं बिछाय॥

म्हारा बालक बालकी रोवें, ते तों पालणियां में न सोवें।

यांने छोडपरी किम जाऊं, खाट गूदड़ी केम बिछावूं॥

सुसरा मोनें क्यांनें संतावो, थारां बेटां नें कांम भोळावो।

बेटा नें बोलायां मूंन साझे, कने ऊभो रह्‌यो पिण लाजे॥

बूढळा रा पुन्य परवार्‌या, तिणसूं वचन जाए मार्‌या।

जब बूढळो मन में खीजे, बेटा बहु मूल न भीजे॥

बूढा रे बाळपणा रा हेवा, जाणे खावूं मिष्ठान नें मेवा।

मन गमता भोजन खावूं, लाडू पेड़ा जलेबी मगावूं॥

उन्हों सीरो मगद वले खाजा, एहवा भोजन ताजा।

जाणे नरमसी खीचड़ी खावू, दही दूध ने बूरो मंगावूं॥

बूढा नें आछा भोजन भावे, पुन्य बिनां कहो कुण खवावे।

ओ तो स्वारथ किणरे न आवे, तिण सूं घर रां ने मूळ न सुहावे॥

घर सूं सूखी लूखी रोटी आवे, ते तो दांता सूं खाइ न जावे।

जब बूढो हुवो दिलगीर, काढें आख्यां मां सूं नीर॥

जां की बोली पिण न सुहावे, मीठा भोजन कुण खवावे।

बूढे हाथां सूं द्रव्य कमाया, बेटा दाब रह्‌‌या धन माया॥

जब ओ कर कर लोकां ने भेळा, करे बेटा बहुं नीं हेला।

म्हारां कह्या में को नहीं चाले, पूरो धान खावानें न घाले॥

जब लोक हसें पीटें ताल्यां, बोले बेटा बहु नें गाल्यां।

कहे बेटा बहु ने एम, डोकरा नें दुख दो केम॥

केइ केहवा लागा आम, थें तो मत हुवो लूण हराम।

जब बेटा बहु इम बोले, डोकरा रा परदा खोले॥

ओ तो लोका सूं एकठ मांडे, म्हाने यूं ही अनाखी भाडें।

म्हे तो आछा भोजन नित घालां, इणरे केडें सगळा चालां॥

इणरे पीत मुरीद न कांई, ओ तो यूं ही करे विकळाई।

इणरी गइ अकल विग्यांनो, इणरी बात कोइ मत मांनो॥

बूढा रो कुण ऊठे बेली, उणरी बात गइ सर्व ठेली।

बूढा रा पुन्य पड़ गया पूरा, तिण सूं सेंण सगा हुवा दूरा॥

निज नारी री आहिज रीत, बूढा सूं न धरे प्रीत।

वले ओर सगा सेंण सारा, बूढा सूं होय जाय न्यारा॥

कदे घी गुळ सूंधा होय जात, जब वांछे बूढा री घात।

घर रां तो मांड्‌यो अति आंचो, ओ तों मरे न छोडे माचो॥

बाल जवान तो मर जावे, इण बूढा नें मरण न आवे।

ओ तों नित नवों होय रह्‌यो सेंठो, म्हारें वारणे रिणाइ ज्यूं बेठो॥

म्हे तो सगळा हुवां छां काया, इण डोकरे वोहत सताया।

इणरी दांई ना पर गया विरखो, ओ तो अजे न मुंवो जरखो॥

म्हांरे उघड़ी पाप री खांनो, इण बूढा सूं पड़ियो पानो।

एहुवा वचन बूढा नें सुणावे, जब बूढो अतंत दु:ख पावे॥

बूढे कर्म कीया था जाडा, ते तों आया कुबेळां में आडा।

ते भोगवतां दुख पावे, सुमता विण पड़ियो सीदावे॥

बूढा री विपत अनेक, पूरी कहणी नावें वशेख।

थोड़ीसी कही बांनगी मात, देखो अरुबरू साख्यात॥

इणरी सुणज्यो लोक लुगाइ, एहवी विपत बुढापे आई।

जो ऊ पेंहली धर्म करतो, एहवी विपत में क्यांनें पड़तो॥

बूढो पेंहलां बूहो मद छकियो, जिण धर्म ओळख नहीं सकियो।

हिवे रह्‌यो आरत ध्यांन ध्याय, तिण सूं धर्म कीयो किम जाय॥

बूढे पेंहलां कीधी कूड़ी सेखी, रह्‌यो धर्म तणो नित धेखी।

करतो साधु श्रावकां री हेला, हिवे आय पड़ी छे बेलां॥

पेंहलां कीधी न्यातीलां ठेलो, जिण धर्म नें जांणियो सेलो।

हिवें न्यातीला आडा न आवे, जब आप पड़्यो पिछतावे॥

मोह माया में रह्‌यो कळियो, दुरगति नों टांको झलियो।

जोबन हुंतो ते दीधो गमाय, हिवे कारी न लागे काय॥

पछें मरनें माठी गति जावे, चिहुंगति में गोता खावे।

पाप आगे न चाले जोरो, पाछो नर भव पावणो दोरो॥

केइ बूढा घर रां नें डरावे, लड़ झगड़ नें आछो खावे।

वले कर कर लोकां नें साखी, बेटा बहु ने भांडे अन्हांखी॥

वले करे खीटोर खोराई, घर रां नें घणो दुखदाइ।

केइ बूढा छे एहवा पापी, रह्‌या घर रां नें नित संतापी॥

केइ बूढा सूधा हुवे जोग, बेटा बहु मिलिया अजोग।

कदा आछी वस्तु बूढो खावे, तो उवे खूणे घाली घुरकावे॥

कहे तूं तो हुवो गटकायो, म्हांरे धन नहीं घर मांयो।

सूधो बेठो रोटी क्यूं न खावे, म्हाने कांय अन्हाखी सतावे॥

जब बूढो संके लाजां मरतो, बारे वचन न काढे डरतो।

बूढ़े कीयो विचारज ऊंडो, रखे दीसूं लोका में भूंडो॥

एतो कर रह्या फेन फितूरो, म्हांरे धोळां में घालें धूरो।

यांनें छेड़वियां नहीं बाकी, रखे जावे बूढापे नाकी॥

म्हांरो कांण कुख थो भारी, रखे लोकिक बिगड़े म्हारी।

इम जांणी बूढ़े मूंन साझी, जांण्यो राखूं बूढापे बाजी॥

जो न हुवे दोयां मांहे लजिया, तिणरा घर मांसू न मिटे कजिया।

कुड कुड काढे राता डोळा, नीकळे नित सांग बनोळा॥

बात करता माथे सळ चाढे, नितका दुख में दिन काढे।

देखो नीठ मानव भव पायो, राग धेख में यूही गमायो॥

संसार ना सगा सर्व काचा, त्यांने जाण रह्या मूढ साचा।

तिण री बुधवंत करज्यो पिछाणो, याने जाणज्यो बैरी समाणो॥

केइ बूढा रे पुन्य रहे बाकी, घर रा कार न लोपे जाकी।

जिण रे पूर्व पुन्य छे भारी, तिणरी मरजादा राखे नारी॥

जिण पूर्व पुन्य उपाया, त्यारे हाथ जोड़ रे जाया।

जो ऊ थोड़ीसी वस्तु मंगावे, तो उवे थाळ भरी बेगा ल्यावे॥

सर्व जी जी कारे बतळावे, वले बूढा को हुकम चलावे।

मन गमता भोजन खवावे, सारा पेहली बूढा ने जीमावे॥

जिण पूरी कीधी पुन्याई, बेटा बहु मिल्या सुखदाई।

रूड़ा रूड़ा वस्त्र पहरावे, सुख सेज्या माहे पोढावे॥

वले काण कुख राखे भारी, सगळा रहे आगन्या कारी।

देव परमेश्वर ज्यूं पूजे, करड़ी नजर कीया सर्व धूजे॥

एहवा सुख में बूढो रति पामे, वले रही लोकिक लोका मे।

बूढो एहवी साता सुख पाय, घणो मगन हुवो मन मांय॥

एतो सारा मिल्या सुखदाय, पिण त्रांण शरण नहीं थाय।

एतो इण भव केड़े चाले, परभव जाता साथे न हाले॥

साथ आवे पुन्य ने पाप, सुख दुख भोगवे आपोआप।

इम सांभळ नें नर नारी, करज्यो मन माहिं विचारी॥

एहवा सुख तो सगळाइ फीका, त्यानें कदे म जाणो नीका।

ते तो थोड़ा माहे विललावे, सुपना जिम आल माल होय जावे॥

त्यांमें कदे म जांणज्यो सार, ते तो मिलिया अनती बार।

एहवा सुख ऊपर निजर न दीजें, करणी कर लाहो लीजें॥

तात्विक ढाळ आचार्य भिक्षु


दूहा


एक आंधो नें एक पांगळो, दोनूं पड़िया अटवी मांय।

इणरे आंख नहीं उणरे पग नहीं, त्यां सूं नगर गयो नहीं जाय॥

आंधो डूंडाटी मारतो थको, आमों साहमों भमलेटा खात।

पांगळो पड़ियो तिहां आवियो, दोनूं करे मांहोमांहि बात॥

पांगळो कहे हूं दुखियो घणो, हूं पड़ियो छूं अटवी मांय।

दोनूं पग नहीं भाई मांहरे, मोसूं नगर गयो नहीं जाय॥

जब आंधो कहे हूं पिण दुखियो घणो, हूं पिण मारूं अटवी में डूंडाट।

आंख्या विण नगर पोहचूं नहीं, नोनें कुण बतावे बाट॥

जो तं खांधे वेसे मांहरे, तूं मोनें मारग चलाय।

तो आपां दोनं जणा, नगरी पहुंचा जाय॥

ढाळ


पांगळो सुण हरख्यो ताहि, मिसलत कीधी मांहोमांहि।

पांगळा नें उठायो आंधे, बेसाण्यो पोतारा खांधे॥

पांगळो ते आंधा नें चलावे, सांनीकर मारग बतावे।

इण विध अटवी लांघी ताहि, दोनूं आया छें नगरी मांहि॥

नगरी आया तो सुखिया हुआ, अन्न पांणी बिनां नहीं मुवा।

ए दिष्टांत रूड़ी रीत जांणों, संसार ने मुगत पिछाणों॥

मोटी अटवी जिम संसार, तिण में दुखिया जीव अपार।

नगर जिम मुगति नं जांणो, तिण नें रूडी रीत पिछांणो॥

आंधा ज्यूं जीव ग्यांन रहित, अग्यांनी मिथ्यात सहित।

तिण रे क्रिया रूप नहीं पाय, ते मुगत नगर किम जाय॥

ते जीव क्रिया करवा लागो, पिण नहीं जांणे मुगत रो मागो।

जिण आगम नों जांण नांहीं, जीवादिक न जांणे काई॥

ते मुगत नगर किम जावें, संसार में झोला खावें।

ते तों आंधा जेम अळूझें, ग्यांन बिनां संवळो न सूझें॥

कदा जीवादिक नो हुवो जांण, मोख मारग लियो पिछांण।

पिण क्रिया करणी नहीं आवे, तो पिण मुगत नहीं जावे॥

मिळिया आंधो ने पांगळो दोय, सुखे नगर पोहता सोय।

ज्यूं ग्यांन क्रिया नों संयोग थाय, तो जीव मुगत माहे जाय॥

क्रिया तो ग्यान छे नाहीं, क्रिया तो जांणे देखे नहीं कांइ।

क्रिया तो सुमता रस भाव, कर्म रोकण तोड़ण रो सभाव॥

ग्यांन दरसण छें उपयोग, ते जांणे देखे लोक अलोक।

कोइ क्रिया नें कहे उपयोग, तिण ते मोटो मिथ्यात रो रोग॥

ग्यान क्रिया छे दोय, त्या नें एक म जांणो कोय।

त्यांरो सभाव जूवो जूवो जांणो, त्यांने रूड़ी रीत पिछांणो॥

Popular Posts

Categories

संपर्क फ़ॉर्म

नाम

ईमेल *

संदेश *